இந்திய அணியின் நட்சத்திர பௌலர் மற்றும் அவரது மனைவிக்கு இடையே கருத்து வேறுபாடு ;

இந்திய அணியின் நட்சத்திர ஸ்பின்னராக அனைவராலும் அறியப்பட்டவர் தான் யுஸ்வேந்திர சாஹல். 32 வயதஹன அவர் இந்தியாவிற்காக 67 ஒருநாள் போட்டிகளில் 118 விக்கெட்டும்,62 டி20 போட்டிகளில் 79 விக்கெட்டுகளையும் வீழ்த்தி சிறப்பாக விளையாடியுள்ளார்.

காதல் திருமணம்

யுஸ்வேந்திர சாஹல் நடன கலைஞரும், யூடியூப் பிரபலமுமான தனஸ்ரீ வெர்மா என்ற பெண்ணை காதலி கடந்த ஆண்டு டிசம்பர் மாதம் திருமணம் செய்துகொண்டார். தனஸ்ரீ வெர்மா, சாஹல் விளையாடும் போட்டிகளை காண தவறாது சென்றுவிடுவார். சாஹல் விளையாடும் அனைத்து போட்டிகளையும் காண சென்று, ஆவலுடன் உற்சாகப்படுத்துவார்.

கருத்து வேறுபாடு

சமீபத்தில் இந்திய கிரிக்கெட் அணி வீரர் யுஸ்வேந்திர சாஹல் மற்றும் அவர் மனைவி தனஸ்ரீ இடையே பிரச்சனை எழுந்துள்ளதாகவும், இருவரும் விவாகரத்து பெற உள்ளனர் என்றும் சமுக வலைத்தளங்களில் தகவல் பரவி வருகிறது.

சாஹல் பெயர் நீக்கம்

இதற்கு காரணம் அவர்களின் சமூகவலைதள பக்கம் தான். தனஸ்ரீ வெர்மாவின் இன்ஸ்டாகிராமில் அவரின் பெயர் எப்போதும் தனஸ்ரீ வெர்மா சாஹல் என்று தான் இருக்கும். ஆனால் தற்போது கணவரின் பெயரை அவர் நீக்கி தனது பெயரை மட்டும் வைத்திருக்கிறார்.

யுஸ்வேந்திர சாஹலும், "புதிய வாழ்வில் அடியெடுத்து வைப்பதாக" தெரிவித்து, புகைப்படம் ஒன்றை இன்ஸ்டாஹராமில் பதிவிட்டிருந்தார்.

விவாகரத்து

இதைக்கண்ட ரசிகர்களும், நெட்டிசன்களும் சாஹல் - தனஸ்ரீ வெர்மா தம்பதி பிரியவுள்ளதாகவும், விவாகரத்துக்கு நீதிமன்றத்தை ரகசியமாக நாடியுள்ளதாகவும் சமூக வலைத்தளங்களில் தகவல்களை பதிவிட்டு வந்தனர். இது இணையம் முழுவதும் அதிகப்படியாக வைரலாக்கப்பட்டது.

சாஹலின் கருத்து

இதையடுத்து சாஹல் - தனஸ்ரீ வெர்மா தம்பதி சமூக வலைத்தளங்களில் ஹாட் டாபிக்காக பேசப்பட்டு வந்த நிலையில், சாஹல் இது பற்றி விளக்கமளிக்கும் வகையில் கருத்து தெரிவித்துள்ளார். “எங்கள் உறவு குறித்த எந்தவிதமான வதந்தியையும் பரப்பவேண்டாம் என்று பணிவுடன் கேட்டுக்கொள்கிறேன். தயவுசெய்து இதற்கு முற்றுப்புள்ளி வைத்துவிடுங்கள் என்று சாஹல் தனது இன்ஸ்டாகிராம் பக்கத்தில் பதிவிட்டுள்ளார்.