‘ராட்சசன்’ கெயில்... அப்ரிடியை தொடர்ந்து சிக்சரில் இமாலய சாதனை படைச்ச ‘டான்’ ரோஹித்!
மும்பை: வெஸ்ட் இண்டீஸ் அணிக்கு எதிரான மூன்றாவது டி-20 போட்டியில் இந்திய துவக்க வீரர் ரோஹித் ஷர்மா சிக்சரில் இமாலய சாதனை படைத்தார். இந்தியா வந்துள்ள வெஸ்ட் இண்டீஸ் அணி, 3 டி-20 மற்றும் 3 ஒருநாள் போட்டிகள் கொண்ட தொடரில் பங்கேற்கிறது. முதல் டி-20 போட்டியில் இந்திய அணி வென்றது. இரண்டாவது டி-20 போட்டியில் வெஸ்ட் இண்டீஸ் வென்றது. கடைசி டி-20 போட்டி மும்பையில் நடக்கிறது.
அதிரடி ஆட்டம்
இதில் டாஸ் வென்ற வெஸ்ட் இண்டீஸ் அணி பவுலிங் தேர்வு செய்தது. இதையடுத்து களமிறங்கிய இந்திய அணிக்கு ரோஹித் ஷர்மா (71), ராகுல் () போட்டி போட்டு அதிரடி காட்ட, இந்திய அணி 20 ஓவரில் 3 விக்கெட்டுக்கு 240 ரன்கள் குவித்தது.
400வது சிக்சர்
இப்போட்டியில், வெஸ்ட் இண்டீஸ் வீரர் காட்ரல் வீசிய போட்டியின் 3வது ஓவரின் முதல் பந்தில் சிக்சர் அடித்த இந்திய துவக்க வீரர் ரோஹித் ஷர்மா சர்வதேச கிரிக்கெட்டில் 400வது சிக்சர் அடித்து அசத்தினார். இதன் மூலம் இம்மைல்கல்லை படைத்த மூன்றாவது வீரர் என்ற பெருமை பெற்றார் ரோஹித் ஷர்மா.
கெயில் (534), அப்ரிடி (476) இப்பட்டியலில் முதலிரண்டு இடத்தில் உள்ளனர். தவிர, சர்வதேச கிரிக்கெட்டில் 400 சிக்சர்கள் என்ற சாதனையை படைத்த முதல் இந்திய வீரர் என்ற வரலாறு படைத்தார் ரோஹித்.
சர்வதேச கிரிக்கெட்டில் அதிக சிக்சர்கள் அடித்த வீரர்கல் பட்டியல்
கிறிஸ் கெயில் - 534 சிக்சர்கள்
ஷாகித் அப்ரிடி - 476 சிக்சர்கள்
ரோஹித் ஷர்மா - 401* சிக்சர்கள்
பிரண்டன் மெக்கலம் - 398 சிக்சர்கள்
தோனி - 359 சிக்சர்கள்
Twitter-ICYMI - 6,6,4 - @ImRo45 goes berserk Brutal! Rohi...
இருவரும் முதலிடம்
இப்போட்டியில் துவக்க வீரர் ரோஹித் ஷர்மா 6 ரன்கள் எடுத்த போது, டி-20 கிரிக்கெட்டில் அதிக ரன்கள் அடித்த வீரர்கள் பட்டியலில் விராட் கோலியை பின்னுக்கு தள்ளி ரோஹித் ஷர்மா முதலிடம் பிடித்தார். ஆனால் பின் களமிறங்கிய கோலி ரோஹித் ஷர்மாவின் சாதனையை சமன் செய்தார்.
டி-20 கிரிக்கெட்டில் அதிக ரன்கள் அடித்துள்ள டாப்-5 வீரர்கள்:
விராட் கோலி - 2633 ரன்கள் (75 போட்டிகள்)
ரோஹித் ஷர்மா- 2633 ரன்கள் (104 போட்டிகள்)
மார்டின் கப்டில் - 2436 ரன்கள் (83 போட்டிகள்)
சோயிப் மாலிக் - 2263 ரன்கள் (111 போட்டிகள்)
பிரண்டன் மெக்கலம் - 2140 ரன்கள் (71 போட்டிகள்)
* இப்போட்டியில் 23 பந்தில் அரைசதத்தை எட்டிய ரோஹித் ஷர்மா, டி-20 கிரிக்கெட்டில் இரண்டாவது அதிவேக அரைசதத்தைபதிவு செய்தார்.
ஐந்தாவது சிறந்தது
இப்போட்டியில் பவர்ப்ளே எனப்படும் போட்டியின் முதல் 6 ஓவரில் இந்திய அணி, விக்கெட் இழப்பின்றி 72 ரன்கள் எடுத்தது. இதன் மூலம் சர்வதேச டி -20 கிரிக்கெட்டின் முதல் 6 ஓவரில் இந்திய அணி தனது ஐந்தாவது சிறந்த ஸ்கோரை பதிவு செய்தது. தவிர, சொந்தமண்ணில் கடந்த 2009க்கு பின் இது இந்திய அணி பதிவு செய்த இரண்டாவது சிறந்த ஸ்கோராகும்.
Twitter-WATCH: The dual @klrahul11 upper cuts Same ball, ...
லீவிஸ் காயம்
இப்போட்டியில் இந்திய அணி பேட்டிங் செய்த போது, இந்திய வீரர் ராகுல் அடித்த பந்தை தடுக்க முயன்ற வெஸ்ட் இண்டீஸ் வீரர் எவின் லீவிஸுக்கு முட்டியில் பலமான காயம் ஏற்பட்டது. நடக்க முடியாமல் தவித்த லீவிஸை மைதான பணியாளர்கள் தூக்கிச்சென்றனர். லீவிஸுக்கு பதிலாக கீமோ பாவுல் மாற்று வீரராக களமிறங்கினார்.