Rohit Sharma 264: யார் என்று புரிகிறதா? இவன் தீ என்று தெரிகிறதா?... : தடைகளை வென்றே சரித்திரம் படைத்தவன் ஞாபகம் வருகிறதா?

கொல்கத்தாவின் ஈடன் கார்டன் மைதானத்தில் இலங்கை அணிக்கு எதிரான ஒருநாள் போட்டியில் ரோஹித் ஷர்மா 264 ரன்கள் அடித்தார். சுமார் ஐந்து ஆண்டுகளாக சர்வதேச அரங்கில் இதுவே 50 ஓவர் கிரிக்கெட்டில் இது உலக சாதனையாக தொடர்கிறது.

4 ரன்னில் வாய்ப்பு
அந்த போட்டியில் ரோஹித் ஷர்மா 4 ரன்கள் எடுத்திருந்த போது, கொடுத்த வாய்ப்பை இலங்கை வீரர்கள் கோட்டைவிட, கூடுதலாக 260 ரன்கள் சேர்த்து மிரட்டினார் ரோஹித் ஷர்மா. இந்த நாளை நினைவு கொள்ளும் விதமாக ஐசிசி தனது அதிகாரப்பூர்வ ட்விட்டர் பக்கத்தில் பதிவு வெளியிட்டுள்ளது.

CSK: அடுத்த ஐபிஎல் தொடரில் நான்கு சீனியர்களை கழட்டிவிட சென்னை சூப்பர் கிங்ஸ் திட்டமா?

இந்தியா 404....
இலங்கை அணிக்கு எதிரான ஐந்து போட்டிகள் கொண்ட ஒருநாள் தொடரில் 4வது ஒருநாள் போட்டியில் ரோஹித் ஷர்மா இந்த சாதனையை அரங்கேற்றினார். இதில் ரோஹித் மொத்தமாக 33 பவுண்டரிகள், 9 சிக்சர்கள் என 264 ரன்கள் குவித்து அவுட்டானார். இப்போட்டியில் இந்திய அணி 5 விக்கெட்டுக்கு 404 ரன்கள் எடுத்தது.


இமாலய வெற்றி...
இப்போட்டியின் கடைசி பந்தில் இலங்கையின் குலசேகரா வீசிய பந்தில் ரோஹித் ஷர்மா அவுட்டானார். தொடர்ந்து இமாலய இலக்கை துரத்திய இலங்கை அணி 251 ரன்களுக்கு ஆல் அவுட்டானது. இதன் மூலம் இந்திய அணி 153 ரன்கள் வித்தியாசத்தில் இமாலய வெற்றி பெற்றது.

8 முறை மட்டுமே...
இதுவரை சர்வதேச ஒருநாள் கிரிக்கெட்டில், 8 முறை மட்டுமே பேட்ஸ்மேன்கள் இரட்டை சதம் அடித்து சாதித்துள்ளனர். அதில் ரோஹித் ஷர்மா மட்டும் மூன்று முறை இம்மைல்கல்லை எட்டியுள்ளார். 264 (எதிர்-இலங்கை, 2014), 209 (எதிர்- ஆஸ்திரேலியா, 2013), 208* (எதிர்- இலங்கை, 2017)

பேட்... பேடு.. பேடுல பட்டு... போல்டான பேட்ஸ்மேன்...: ஸ்டார்க் வீசிய மேஜிக் பால்...!

ஜாம்பவான் வழியில் ...
தவிர, ஒருநாள் அரங்கில் ஜாம்பவான் சச்சின், சேவாக் ஆகியோருக்கு பின் இரட்டை சதம் விளாசிய மூன்றாவது இந்தியர் என்ற பெருமை பெற்றார் ரோஹித் ஷர்மா. சர்வதேச கிரிக்கெட்டில் இரட்டைசத சாதனையை கடந்த 2010ல் தென் ஆப்ரிக்க அணிக்கு எதிராக ஜாம்பவான் சச்சின் (200*) முதலில் அரங்கேற்றினார்.