கடும் பயிற்சி
இந்தியா, வங்கதேச அணிகள் மோதும் இரண்டாவது டெஸ்ட் போட்டி கொல்கத்தாவில் 22ம் தேதி துவங்குகிறது. பகலிரவு போட்டியாக நடக்கும் இந்த டெஸ்ட் இந்திய நேரப்படி மதியம் 12.50 மணிக்கு துவங்குகிறது. இந்த டெஸ்டில் சாதிக்க இந்திய அணி வீரர்கள் தீவிர பயிற்சியில் ஈடுபட்டுள்ளனர்.
மைதானத்துக்குள் அத்துமீறி வந்த ரசிகர்... அட்வைஸ் பண்ணி அனுப்பி வச்ச ‘கிங்’ கோலி!
ஜெயசூர்யா ஸ்டைல்..
இந்நிலையில் இந்த பயிற்சியின் போது இந்திய சுழற்பந்துவீச்சாளர் ரவிச்சந்திரன் அஸ்வின் இடது கையில் பவுலிங் செய்து அசத்தினார். அப்போது இவரின் பவுலிங் ஆக்ஷன், முன்னாள் இலங்கை வீரர் சனத் ஜெய்சூர்யா பவுலிங் செய்வது போல இருந்தது.
Twitter-Interesting!! @ashwinravi99 emulating Sanath Jayas...
இடது கை பேட்டிங்...
முதல் டெஸ்ட் போட்டியின் போது, அஸ்வின் இடது கை பேட்ஸ்மேனாக விளையாடி அசத்தினார். இதைப்பார்த்த ரசிகர்கள் மட்டமான பார்மில் உள்ள ரிஷப் பந்த்தைவிட மிகச்சிறப்பாக விளையாடியதாக அஸ்வினை பாராட்டினர்.
எட்டவே முடியாத இடத்தில் இந்திய அணி: ஐசிசி டெஸ்ட் சாம்பியன்ஷிப் பட்டியலில் நம்பர்-1 !
திணறடிக்கும் அஸ்வின்
தற்போது பிங்க் நிற பந்தில் இடது கை பவுலராக அஸ்வின் முயற்சித்துள்ளார். ஏற்கனவே சர்வதேச போட்டிகள் சுழலில் பல வித்தியாசங்களை தில்லாக முயற்சித்து அதில் ஓரளவு வெற்றியும் கண்டுள்ளார் அஸ்வின். ஆஃப் ஸ்பின்னரான அஸ்வின், சில நேரத்தில் லெக் ஸ்பின் பந்துவீசி பேட்ஸ்மேன்களை திணறிடிப்பார்.
இடது கை பேட்ஸ்மேனான அஸ்வின்.... ரிஷப் பந்த்தை விட சூப்பர் என குவிந்த பாராட்டு!
அசத்தல் பவுலிங்...
வங்கதேச அணிக்கு எதிரான முதல் டெஸ்டில், இந்திய வேகப்பந்துவீச்சாளர்கள் ஆதிக்கம் செலுத்திய நிலையில் சுழற்பந்துவீச்சாளரான அஸ்வின், 5 விக்கெட் கைப்பற்றி மிரட்டினார்.
கொல்கத்தா ‘பிங்க் பால்’ டெஸ்ட்டுக்கு முன் பயிற்சியாளர் ரவி சாஸ்திரி சிறப்பு வழிபாடு!
ஆரஞ்சா? பிங்க்கா?
பிங்க் நிற பந்தில் பயிற்சி செய்தது குறித்து அஸ்வின் கூறுகையில், “பிங்க் நிற பந்தில் விளையாடுவது கொஞ்சம் சவாலான விஷயம் தான். பிங்க் பந்தில் இதற்கு முன்பாக நான் பவுலிங் செய்ததே இல்லை. அந்த பந்தை பார்க்கும் போது சில நேரத்தில் ஆரஞ்சு நிறமா அல்லது பிங்க் நிறமா என்ற குழப்பம் ஏற்படுகிறது.” என்றார்.
தேங்காய் உடைத்து பூஜை.... 128 நாட்களுக்கு பின் பயிற்சியை துவங்கிய ‘தல’ தோனி!