Samaira Sharma: ‘குட்டி ராட்சசி’ சமைரா பிறந்தநாளை கொண்டாடிய ‘டான்’ ரோஹித்!

இந்திய கிரிக்கெட் அணியின் துவக்க வீரர் ரோஹித் ஷர்மா. கடந்த ஆண்டில் ஒருநாள் கிரிக்கெட்டில் அதிக ரன்கள் அடித்த வீரர்கள் பட்டியலில் கேப்டன் கோலியை பின்னுக்கு தள்ளி நம்பர்-1 இடம் பிடித்தார். இந்நிலையில் இவர் தனது மகள் சமைராவின் பிறந்தநாளை கொண்டாடியுள்ளார்.

வைரலான பதிவு
இது தொடர்பாக ரோஹித் ஷர்மா வெளியிட்டுள்ள ட்விட்டர் பதிவில், “ என குட்டி ராட்ஷசிக்கு ஹாப்பி ஹாப்பி பிறந்தநாள் வாழ்த்துக்கள்., உன் வருகை எங்களின் வாழ்வின் உற்சாகம், புன்னகை மற்றும் வெட்கத்தை வரவழைத்துள்ளது ” என அதில் குறிப்பிட்டுள்ளார். ரோஹித் ஷர்மாவின் இந்த பதிவை இதுவரை 29,097 பேர் லைக் செய்துள்ளனர். 2697 பேர் ரீட்வீட் செய்துள்ளனர்.


சூப்பர் ஆண்டு
2019 ஆம் ரோஹித் ஷர்மாவுக்கு மிகச்சிறந்த ஆண்டாக அமைந்தது. இவர் 2019இல் சர்வதேச கிரிக்கெட்டில் 2442 ரன்கள் அடித்துள்ளார். மேலும் முன்னாள் இலங்கை வீரர் சனத் ஜெயசூர்யாவின் 22 ஆண்டுகால சாதனையை தகர்த்தார். மேலும் கடந்த ஆண்டில் சர்வசதே கிரிக்கெட்டில் மொத்தமாக ரோஹித் ஷர்மா 10 சதங்கள் விளாசினார்.

தற்போது ஓய்வு
இதில் இங்கிலாந்தில் நடந்த 50 ஓவர் உலகக்கோப்பை கிரிக்கெட் தொடரில் 5 சதங்கள் விளாசி அசத்தினார் ரோஹித். தொடர்ந்து போட்டிகளில் பங்கேற்று வருவதால் அடுத்து நடக்கவுள்ள இலங்கை அணிக்கு எதிராக வரும் ஜனவரி 5ஆம் தேதி துவங்கவுள்ள மூன்று போட்டிகள் கொண்ட டி- 20 தொடரில் ரோஹித் ஷர்மா தானாக கேட்டுக்கொண்டதால், அவருக்கு ஓய்வு அளிக்கப்பட்டுள்ளது.