India vs Australia Score Card: வெற்றியால் கண்டுகொள்ளப்படாத இந்தியாவின் மட்டமான பீல்டிங்!

சிட்னி : ஆஸ்திரேலியாவுக்கு எதிரான 3வது டி20 போட்டியில் இந்திய வீரர்களின் படு மோசமான பீல்டிங்கால், அந்த அணி 164 ரன்களை எட்ட உதவியது.

ஆஸ்திரேலியா சுற்றுப் பயணம் மேற்கொண்டுள்ள இந்திய அணி 3 டி20, 4 டெஸ்ட் போட்டி, 3 ஒருநாள் போட்டிகளில் விளையாட உள்ளது. முதல் இரண்டு டி20 போட்டி முடிவில் ஆஸ்திரேலியா 1-0 என முன்னிலை வகிக்கின்றது.

இன்று 3வது டி20 போட்டி சிட்னியில் நடைப்பெற்று வருகின்றது. இதில் டாஸ் வென்று முதலில் பேட்டிங் செய்த ஆஸ்திரேலியா அணி 20 ஓவரில் 6 விக்கெட் இழந்து 164 ரன்களை குவித்துள்ளது.

கேட்ச் மிஸ் :
ஆஸ்திரேலியா தொடக்க வீரர் ஆரோன் பின்ச் 7.1வது ஓவரின் குர்ணால் பாண்டியாவின் பந்தில் கொடுத்த எளிமையான கேட்சை ரோகித் சர்மா தவறவிட்டார்.


அதுமட்டுமல்லாமல், பும்ரா, கலீல் அகமது என வீரர்கள் பலர் வரிசையாக பீல்டிங்கில் சொதப்பியதால் பல நேரங்களில் ஒன்று அல்லது இரு ரன்கள் எடுக்கப்பட வேண்டிய நேரத்தில், பந்து பவுண்டரியை தொட்டது.

அதோடு 9 அகல பந்து வீசியதால் உதிரி ரன்கள் மட்டும் 12 ரன்கள் ஆஸ்திரேலியாவுக்கு இந்திய அணி வழங்கியது. டி20 போட்டியில் ஒவ்வொரு ரன்னும் வெற்றியை தீர்மானிக்கக் கூடியது என்பதால் பீல்டிங் தவறு மற்றும் தேவையில்லாத உதிரி ரன்கள் கொடுப்பதை இந்திய வீரர்கள் தவிர்க்க வேண்டும்.

மேலும் படிக்க : தொண்டை பத்திரம்! : இந்திய வீரர்களை எச்சரிக்கும் ஆஸ்திரேலியா வீரர்

Save Delta பேனருடன் சிட்னி மைதானத்தில் திரண்ட தமிழர்கள்

இந்தியா வெற்றி :
165 ரன் இலக்கை விரட்டிய இந்தியாவுக்கு சிகர் தவான் 41, விராட் கோலி 61 ரன்கள் எடுக்க 6 விக்கெட் வித்தியாசத்தில் இந்தியா வெற்றி பெற்று தொடரை 1-1 என சமன் செய்தது.

இந்திய வெற்றி பெற்றதால் இந்திய வீரர்களின் மட்டமான பீல்டிங் கண்டுகொள்ளப்படாமல் யாரும் பேசவில்லை. இருப்பினும் அடுத்த போட்டியின் போது இந்திய அணி தொடர்ந்து இதே தவறை செய்யும் பட்சத்தில் மீண்டும் சிக்கல் உருவாகும்.