INDW vs PAKW: ‘4 ஓவரில் 40 ரன் தேவை’...அடுத்து நடந்த செம்ம ட்விஸ்ட்: நம்ப முடியாத ஆட்டம்...இறுதியில் த்ரில் வெற்றி!

தென்னாப்பிரிக்காவில் மகளிர் டி20 உலகக் கோப்பை தொடர் துவங்கி நடைபெற்று வருகிறது.

இதில் 4ஆவது லீக் ஆட்டத்தில் இந்திய மகளிர் அணியும், பாகிஸ்தான் மகளிர் அணியும் மோதின. இப்போட்டியில் டாஸ் வென்ற பாகிஸ்தான் மகளிர் அணி முதலில் பேட்டிங்கை தேர்வு செய்தது.

பாகிஸ்தான் இன்னிங்ஸ்:

முதலில் களமிறங்கிய பாகிஸ்தான் அணியில் ஓபனர்கள் முனீப் அலி 12 (14), ஜவேனி கான் 8 (6) ஆகியோர் சிறப்பாக செயல்படவில்லை. இதனைத் தொடர்ந்து நீடா தர் 0 (2) டக் அவுட் ஆகி ஷாக் கொடுத்தார். இறுதியில் கேப்டன் மரூப் 68 (55), ஆயிஷா நஷீம் 43 (25) ஆகியோர் அபாரமாக விளையாடியதால், பாகிஸ்தான் மகளிர் அணி 20 ஓவர்கள் முடிவில் 149/4 ரன்களை எடுத்தது.

இந்திய மகளிர் இன்னிங்ஸ்:

இலக்கை துரத்திக் களமிறங்கிய இந்திய மகளிர் அணியில் ஓபனர் யஷ்டிகா படியா 17 (20), ஷபாலி வர்மா 33 (25) ஆகியோர் ஓரளவுக்கு சிறந்த துவக்கத்தை தந்தார்கள்.

இதனைத் தொடர்ந்து கேப்டன் ஹர்மன்பிரீத் கௌர் 16 (12) பெரிய ஸ்கோர் அடிக்கவில்லை. இறுதியில் ரோட்ரிக்ஸ், ரீசா கோஷ் ஆகியோர் களத்தில் இருந்தார்கள்.

இந்த இருவரும் களத்தில் இருந்தபோது, இந்திய அணிக்கு 4 ஓவர்களில் 40 ரன்கள் தேவைப்பட்டது. இதனால், இந்திய அணிக்கு கடும் பின்னடைவு ஏற்பட்ட நிலையில், இருவரும் அபாரமாக விளையாடி 17ஆவது ஓவரில் 13 ரன்களையும், 18ஆவது ஓவரில் 14 ரன்களையும், 19ஆவது ஓவரில் 15 ரன்களையும் சேர்த்தனர். இதனால், யாரும் எதிர்பார்க்க வகையில், இந்திய அணி 19ஆவது ஓவரிலேயே 151/3 ரன்களை சேர்த்து, 7 விக்கெட்கள் வித்தியாசத்தில் அராப வெற்றியைப் பெற்றது.

இந்திய மகளிர் அணி தனது அடுத்த லீக் போட்டியில், வரும் 15ஆம் தேதி மேற்கிந்தியத் தீவுகள் மகளிர் அணியை எதிர்கொள்ள உள்ளது.