இந்தியாவுக்கு எதிரான ஒருநாள், டி20 கிரிக்கெட்; காயம் காரணமாக விலகிய தென் ஆப்பிரிக்க கேப்டன்!

டெல்லி: காயம் காரணமாக, இந்தியாவுக்கு எதிரான போட்டிகளில் இருந்து டூ பிளஸிஸ் விலகினார்.

இந்திய அணி, தென் ஆப்பிரிக்காவில் சுற்றுப் பயணம் மேற்கொண்டு விளையாடி வருகிறது. தற்போது ஒருநாள் போட்டிகளில் விளையாடி வரும் நிலையில், விரைவில் டி20 போட்டிகளில் களமிறங்க உள்ளது.

இந்நிலையில் கிங்ஸ்மீட் சஹாரா ஸ்டேடியத்தில் நடைபெற்ற முதல் ஒருநாள் போட்டியில் தென் ஆப்பிரிக்க கேப்டன் டூ பிளஸிஸ்கு, வலது கை விரலில் காயம் ஏற்பட்டுள்ளது.

உடனடியாக அவரை சோதித்த மருத்துவர்கள், 3 முதல் 6 வாரங்கள் ஓய்வெடுக்க வேண்டும் என்று தெரிவித்தனர்.

இதனால் டூ பிளஸிஸ், இந்தியாவுக்கு எதிரான எஞ்சிய ஒருநாள் மற்றும் டி20 போட்டிகளில் விளையாட மாட்டார் என்று தெரிவிக்கப்பட்டுள்ளது.

இவருக்கு பதிலாக தென் ஆப்பிரிக்க வீரர் ஃபர்ஹான் பெஹர்தின் விளையாடுவார் என்று கூறப்பட்டுள்ளது.

முன்னதாக கை விரல் காயம் காரணமாக அதிரடி வீரர் டி வில்லர்ஸை இழந்து, தென் ஆப்பிரிக்க அணி தவிப்பது குறிப்பிடத்தக்கது.

வரும் மார்ச் ஒன்றாம் தேதி தொடங்கவுள்ள ஆஸ்திரேலியாவிற்கு எதிரான முதல் டெஸ்ட் போட்டிக்குள் டூ பிளஸிஸ் குணமடைந்துவிடுவார் என்று எதிர்பார்க்கப்படுகிறது.

Injured Faf du Plessis ruled out of India ODIs, T20Is.