India vs West Indies: ஷிகர் தவனுக்கு பதிலாக மாயங்க் அகர்வாலுக்கு வாய்ப்பு!

வெஸ்ட் இண்டீஸ் அணிக்கு எதிரான 3 போட்டிகள் கொண்ட ஒருநாள் தொடரில் பங்கேற்கிறது. இதன் முதல் போட்டி வரும் 15ஆம் தேதி சென்னையில் துவங்குகிறது. இதற்கான இந்திய அணியில் துவக்க வீரர் ஷிகர் தவன் இடம் பெற்றிருந்தார். ஆனால் உள்ளூர் கிரிக்கெட் தொடரான சையது முஸ்தாக் அலி டிராபி கிரிக்கெட் தொடரில் பங்கேற்ற போது தவனுக்கு காயம் ஏற்பட்டது.

பிசிசிஐ அறிவிப்பு
ஆனால் தற்போது தவன் காயத்தில் இருந்து முழுமையாக குணமடையாத காரணத்தால் ஒருநாள் தொடரில் இருந்தும் விலகியுள்ளார். இவருக்கு மாற்று வீரராக மாயங்க் அகர்வால் அறிவிக்கப்பட்டுள்ளார். இது தொடர்பாக பிசிசிஐ வெளியிட்டுள்ள அறிக்கையில், “எதிர்வரும் வெஸ்ட் இண்டீஸ் அணிக்கு எதிரான ஒருநாள் தொடரில் பங்கேற்கயிருந்த ஷிகர் தவானுக்கு பதிலாக மாயங்க் அகர்வாலை சீனியர் அணியின் தேர்வுக்குழு அறிவித்துள்ளது” என அதில் குறிப்பிடப்பட்டுள்ளது.

Pollard: அதெப்படி பாசம் இல்லாம போகும்... போலார்டை புகழ்ந்து தள்ளிய மும்பை ‘டான்’ ரோஹித்!

முதல் போட்டிக்கு முன்
இந்திய அணி வீரர்களுடன் முதல் ஒருநாள் போட்டிக்கு முன்பாக மாயங்க் அகர்வால் சேர்வார் என தெரிகிறது. இந்தியா- வெஸ்ட் இண்டீஸ் அணிகள் மோதும் முதல் ஒருநாள் போட்டி டிசம்பர் 15 ஆம் தேதி நடக்கிறது. இரண்டாவது ஒருநாள் போட்டி விசாகப்பட்டினத்திலும் (டிசம்பர் 18), மூன்றாவது ஒருநாள் போட்டி கட்டாக்கிலும் (டிசம்பர் 22) நடக்கவுள்ளது.

IND v WI 3rd t20: கோப்பை வெல்வது யார்? மும்பையில் இன்று மல்லுக்கட்டும் இந்தியா - வெஸ்ட் இண்டீஸ்!

ரஞ்சிக்கோப்பை
மாயங்க் அகர்வால் தற்போது உள்ளூர் கிரிக்கெட் தொடரான ரஞ்சிக்கோப்பை கிரிக்கெட் தொடரில் விளையாடி வருகிறார். இதற்கிடையில் ராகுல் அணியில் இருப்பதால், மாயங்க் அகர்வாலுக்கு உடனடியாக வாய்ப்பு குறைவு தான் என தெரிகிறது.