CSK: 'தோனி ஓய்வுபெறும் தேதி இதுதான்'...இந்த அணிக்கு எதிராக களமிறங்குகிறார்: சிஎஸ்கே நிர்வாகி தகவல்...டிக்கெட் புக் பண்ணுங்க!

ஐபிஎல் 16ஆவது சீசனுக்கான அட்டவணை சமீபத்தில் வெளியானது. அதன்படி போட்டிகள் மார்ச் 31ஆம் தேதி துவங்கி மே 28ஆம் தேதி முடிய உள்ளது. துவக்க போட்டியும், பைனலும் அகமதாபாத் மைதானத்தில் நடைபெறும் எனவும் அறிவிக்கப்பட்டுள்ளது.

ஹோம் கிரோண்டில்:

கொரோனா காரணமாக கடந்த இரண்டு சீசன்களில் அணிகள், தங்களது ஹோம் கிரோண்டில் விளையாட முடியாத நிலை இருந்தது. இந்நிலையில், இந்தாண்டில் அனைத்து அணிகளும் தங்களது ஹோம் கிரோண்டில் விளையாடலாம் என அறிவிக்கப்பட்டுள்ளது. இது சிஎஸ்கே ரசிகர்களுக்கு கூடுதல் மகிழ்ச்சியை ஏற்படுத்தும் வகையில் இருக்கிறது.

ரசிகர்கள் நம்பிக்கை:

கேப்டன் மகேந்திரசிங் தோனி தனது கடைசிப் போட்டியை சென்னை சேப்பாக்கத்தில் விளையாடுவேன் எனக் கூறியிருந்தார். அதன்படி இந்தாண்டு கோப்பையை வென்றுகொடுத்துவிட்டு, சென்னையில் ஓய்வு அறிவிப்பை வெளியிடுவார் என ரசிகர்கள் நம்பிக்கையுடன் இருக்கிறார்கள்.

புதிய அறிவிப்பு:

இந்நிலையில், மகேந்திரசிங் தோனி எப்போது ஓய்வினை அறிவிப்பார் என்பது குறித்து சிஎஸ்கே நிர்வாகி ஒருவர் பேட்டிகொடுத்துள்ளார். அதில், ''மகேந்திரசிங் தோனி மே 14ஆம் தேதி கொல்கத்தா நைட் ரைடர்ஸுக்கு எதிரான போட்டி முடிந்த உடனே ஓய்வினை அறிவிக்க வாய்ப்புகள் உள்ளது. இப்போட்டி சேப்பாக்கத்தில் நடைபெறவுள்ளது. இருப்பினும், இதுகுறித்து என்னால் அதிகாரப்பூர்வமாக கூறிவிட முடியாது. தோனிதான் இறுதி முடிவினை எடுப்பார். தோனி எடுக்கும் முடிவுக்கு நிர்வாகம் முழு சம்மதம் தெரிவிக்கும்'' எனக் கூறினார்.

தோனி ஓய்வு அறிவித்தப் பிறகு, சிஎஸ்கேவின் பயிற்சியாளராக அவர் செயல்படுவார் என தகவல் வெளியாகியுள்ளது. பென் ஸ்டோக்ஸ் 17ஆவது சீசன் முதல் கேப்டனாக செயல்படுவார் எனக் கருதப்படுகிறது.