ஒருவழியா என் வழிக்கு வந்துட்ட போல கோலி... வார்னர்!

இந்திய கிரிக்கெட் அணியின் கேப்டன் விராட் கோலி, தனது இன்ஸ்டாகிராம் பக்கத்தில் எடிட் செய்யப்பட்ட வீடியோ ஒன்றை பகிர்ந்து அதற்கு சரியான தலைப்பு கொடுக்கும்படி ரசிகர்களிடம் கேட்டுக்கொண்டார்.

டிக் டாக்
இதைப்பார்த்த ஆஸ்திரேலிய வீரர் டேவிட் வார்னர், சில இமோஜிக்களுடன் டிக் டாக் என குறிப்பிட்டிருந்தார். அதேபோல முன்னாள் இங்கிலாந்து கேப்டன் கெவின் பீட்டர்சனும் டிக் டாக் என பதில் அளித்திருந்தார். முன்னதாக இந்திய சுழற்பந்துவீச்சாளர் ரவிச்சந்திரன் அஸ்வினுடன் பேசிய இந்திய கிரிக்கெட் கேப்டன் விராட் கோலி, வார்னர் தன்னை ஒரே ஒரு டிக் டாக் வீடியோவாவது வெளியிடும் படி கேட்டுக்கொண்டதாக தெரிவித்தார்.


அறிமுகம் செய்த மகள்
இந்நிலையில் கடந்த மாதம் இந்திய துவக்க வீரர் ரோஹித் சர்மாவுடன் இன்ஸ்டா நேரலையில் பேசிய வார்னர் தனக்கு டிக் டாக் தெரியாது அதை தனது மகள் தான் பதிவிறக்கம் செய்தார் என்றார். இதுகுறித்து அப்போது வார்னர் கூறுகையில், “டிக் டாக் குறித்து எனக்கு எதுவும் தெரியாது. என் மகள் அதை பதிவிறக்கம் செய்து விளையாடிக்கொண்டிருந்தார். அப்போது தான் நான் அதை முதலில் பார்த்தேன். அதன் பின் என் அணியின் சில வீரர்களை சில வேடிக்கையான வீடியோக்களை என்னிடம் காட்டினர். மற்றவர்களை மகிழ்விக்க, நான் இதில் களமிறங்கினேன். இது அவ்வளவு கடினமாக ஒன்றும் இல்லை” என்றார்.


வார்னர் கடைசியாக கடந்த மார்ச் மாதம் நியூசிலாந்துக்கு எதிரான ஒருநாள் போட்டியில் விளையாடினார். ஆனால் கொரோனா வைரஸ் காரணமாக அந்த ஒருநாள் தொடரின் இரண்டு போட்டிகள் ரத்து செய்யப்பட்டது. முதல் போட்டியும் ரசிகர்கள் இல்லாமல் காலி மைதானத்தில் நடத்தப்பட்டது.