மெல்போர்ன், சிட்னி மைதானங்களை குறிவைக்கும் ஐ.எஸ்.ஐ.எஸ்.,!

ஆஸ்திரேலியாவின் மெல்போர்ன், சிட்னி மைதானங்களை ஐ.எஸ்.ஐ.எஸ்., தீவிரவாத அமைப்பு தாக்கவுள்ளதாக ருமியா எனும் இணையதளம் தெரிவித்துள்ளது.

உலகையே அச்சுருத்திக்கொண்டிருக்கும் தீவிரவாத அமைப்பாக ஐ.எஸ்.ஐ.எஸ்., அடுத்ததாக ஆஸ்திரேலியாவின் பிரபல மைதானங்களான மெல்போர்ன், சிட்னி மைதானங்களை தாக்க குறிவைத்துள்ளதாக இணையதள பத்திரிக்கையான ருமியா செய்தி வெளியிட்டுள்ளது.

அதில் ஆஸ்திரேலியாவின் பல வீதிகளில் உள்ளவர்களை கொல்லப்போவதாகவும், அங்குள்ள மெல்போர்ன், சிட்னி, ஓப்ரா மாளிகை உள்ளிட்டவைகளில் தாக்குதல் நடத்தவுள்ளதாகவும் செய்தி வெளியிட்டுள்ளது.

இதுகுறித்து ஆஸ்திரேலியாவின் விக்டோரியா போலீஸ் தலைமை கமிஷ்னர் கிஹாம் ஆஸ்டன் கூறுகையில், ‘பெரும்பாலும் இது போன்ற அச்சுறுத்தல்கள் அரபு மொழியில் தான் இருக்கும் தற்போது தான் இது போன்று முதல் முறையாக ஆங்கிலத்தில் அச்சுறுத்தல் வந்துள்ளது. ஒருவேளை ஆஸ்திரேலியாவில் அவர்களின் முயற்சி ஒவ்வொரு முறையும் தோல்வியடைந்ததால் இப்படி செய்திருக்கலாம்,’ என்றார்.