இங்கிலாந்து சென்றுள்ள இந்திய அணி வருகிற ஜூன் 18 முதல் 22ஆம் தேதிவரை உலக டெஸ்ட் சாம்பியன்ஷிப் தொடரின் இறுதிப் போட்டியில் நியூசிலாந்து அணியை எதிர்கொண்டு பலப்பரீட்சை நடத்தவுள்ளது. அதனைத் தொடர்ந்து இங்கிலாந்துக்கு எதிரான 5 போட்டிகள் கொண்ட டெஸ்ட் தொடரில் ஆகஸ்ட் 4 முதல் செப்டம்பர் 14வரை இந்திய அணி பங்கேற்று விளையாடும். இந்த சுற்றுப் பயணத்தின்போது இந்திய அணி வேகப்பந்து வீச்சாளர் ஜஸ்பரீத் பும்ரா வரலாற்றுச் சாதனை படைப்பார் என எதிர்பார்க்கப்படுகிறது. டெஸ்ட் கிரிக்கெட்டில் இந்திய அணிக்காக அதிவேகமாக 100 விக்கெட்களை வீழ்த்திய வீரராக கபில் தேவ் இருக்கிறார். அவர் 100 விக்கெட்களை வெறும் 25 டெஸ்ட் போட்டிகளில் வீழ்த்தி அதிரடி காட்டியிருந்தார்.
தற்போது உலகின் தலைசிறந்த பௌலராக இருக்கும் இந்திய வீரர் ஜஸ்பரீத் பும்ரா இதுவரை 19 டெஸ்ட்களில் விளையாடி 83 விக்கெட்களை வீழ்த்தி அசத்தியுள்ளார். கபில் தேவின் சாதனையை முறியடிக்க இன்னும் 17 விக்கெட்கள் மட்டும்தான் தேவை. இங்கிலாந்து சுற்றுப் பயணத்தின்போது இவரால் 17 விக்கெட்களை சுலபமாக வீழ்த்த முடியும் என எதிர்பார்க்கப்படுகிறது.
காரணம், பும்ரா விளையாடிய 19 டெஸ்ட்களில் 17 போட்டிகள் வெளிநாட்டு மைதானத்தில் விளையாடியது. வெளிநாட்டு மைதானங்களில் 21.59 சராசரியுடன் 79 விக்கெட்களை வீழ்த்தியுள்ளார். இதனால் வேகப்பந்து வீச்சுக்குச் சாதகமாக இருக்கும் இங்கிலாந்து மைதானங்களில் இவரால் விக்கெட் மழை பொழிய முடியும். ஒருவேளை இந்த சுற்றுப் பயணத்தில் 17 விக்கெட்களை வீழ்த்திவிட்டால் இந்திய அணிக்காக அதிவேகமாக 100 விக்கெட்களை வீழ்த்தி முதல் பந்துவீச்சாளராக பும்ரா திகழ்வார்.
இந்தியாவுக்காக அதிவேகமாக 100 விக்கெட்களை வீழ்த்தியோர் பட்டியலில் கபில் தேவுக்கு (25 போட்டிகள்) அடுத்தபடியாக இருப்பது முகமது ஷமிதான் (29 போட்டிகள்) என்பது குறிப்பிடத்தக்கது.
தற்போது உலகின் தலைசிறந்த பௌலராக இருக்கும் இந்திய வீரர் ஜஸ்பரீத் பும்ரா இதுவரை 19 டெஸ்ட்களில் விளையாடி 83 விக்கெட்களை வீழ்த்தி அசத்தியுள்ளார். கபில் தேவின் சாதனையை முறியடிக்க இன்னும் 17 விக்கெட்கள் மட்டும்தான் தேவை. இங்கிலாந்து சுற்றுப் பயணத்தின்போது இவரால் 17 விக்கெட்களை சுலபமாக வீழ்த்த முடியும் என எதிர்பார்க்கப்படுகிறது.
காரணம், பும்ரா விளையாடிய 19 டெஸ்ட்களில் 17 போட்டிகள் வெளிநாட்டு மைதானத்தில் விளையாடியது. வெளிநாட்டு மைதானங்களில் 21.59 சராசரியுடன் 79 விக்கெட்களை வீழ்த்தியுள்ளார். இதனால் வேகப்பந்து வீச்சுக்குச் சாதகமாக இருக்கும் இங்கிலாந்து மைதானங்களில் இவரால் விக்கெட் மழை பொழிய முடியும். ஒருவேளை இந்த சுற்றுப் பயணத்தில் 17 விக்கெட்களை வீழ்த்திவிட்டால் இந்திய அணிக்காக அதிவேகமாக 100 விக்கெட்களை வீழ்த்தி முதல் பந்துவீச்சாளராக பும்ரா திகழ்வார்.
இந்தியாவுக்காக அதிவேகமாக 100 விக்கெட்களை வீழ்த்தியோர் பட்டியலில் கபில் தேவுக்கு (25 போட்டிகள்) அடுத்தபடியாக இருப்பது முகமது ஷமிதான் (29 போட்டிகள்) என்பது குறிப்பிடத்தக்கது.