’தல’ தோனியை அப்படியே காப்பி அடிக்கும் புதுத் ‘தல’ கோலி!

தரம்சாலா: முன்னாள் கேப்டன் தோனியின் பாணியை தற்போதைய இந்திய அணி கேப்டன் கோலி அப்படியே காப்பி அடித்து வருவதாக தெரிகிறது.

இந்தியா வந்த ஆஸ்திரேலிய அணி, 4 டெஸ்ட் போட்டிகள் கொண்ட தொடரில் பங்கேற்றது. முதல் மூன்று டெஸ்டின் முடிவில் இரு அணிகளும் தலா 1 போட்டியில் வென்றுள்ளது. மூன்றாவது டெஸ்ட் ’டிரா’வில் முடிந்தது.

இரு அணிகள் மோதிய நான்காவது டெஸ்ட் போட்டி, ஃபைனல் போட்டியாக அனல் பறக்க தரம்சாலாவில் நடந்தது. இதில் இந்திய அணி 8 விக்கெட் வித்தியாசத்தில் அசத்தல் வெற்றி பெற்றது.

இதன் பரிசளிப்பு நிகழ்ச்சிக்கு பின், இந்திய கேப்டன் விராட் கோலி, துணைக்கேப்டன் ரகானேவுடன் கோப்பையை வாங்கிக்கொண்டு, ஒதுங்கினார். அப்போது ஒட்டு மொத்த வீரர்கள் சேர்ந்து போட்டோ எடுத்துக்கொண்ட போது, முன்னாள் கேப்டன் தோனி போலவே, இந்திய கேப்டன் விராட் கோலி ஒதுங்கி நின்றார்.

இது ஒருவிதத்தில் விராட் கோலியின் பக்குவப்பட்ட தன்னையாக பார்க்கப்பட்டாலும், முன்னாள் கேப்டன் தோனியின் செயல் போலவே இருப்பதாகவும், தங்களின் ‘தல’ ஸ்டைலை கோலி அப்படியே காப்பி அடிப்பதாகவும் ரசிகர்கள் மத்தியில் பேச்சுக்கள் கிளம்பதுவங்கியுள்ளது.

kohli Follows the foot steps of MS Dhoni