மீண்டும் இமாலய வெற்றியை பெற்றது இந்திய அணி : தோனிக்கு கிடைத்த மாபெரும் வெற்றி

கொழும்பு : இலங்கைக்கு எதிரான 4வது ஒருநாள் போட்டியில் இந்திய அணி 168 ரன்கள் வித்தியாசத்தில் இமாலய வெற்றி பெற்றுள்ளது.

கோலி, சர்மா அபாரம் :
டாஸ் வென்ற இந்திய அணிக்கு தவான் (4ரன்கள்) ஏமாற்றினார். பின்னர் இணைந்த கோலி, ரோகித் சர்மா ஜோடி இருவரும் ஒரு சதம் அடித்து அசத்தினர். கோலி 131, சர்மா 104 ரன்கள் எடுத்தனர்.

பின் வரிசையில் ஜோடி சேர்ந்த தோனி 49*, மணீஸ் பாண்டே 50* இந்திய அணியின் ஸ்கோர் உயர பேருதவியாக இருந்தனர்.
50 ஓவர் முடிவில் இந்தியா 5 விக்கெட் இழப்பிற்கு 375ரன்களை குவித்தது.

சொதப்பிய இலங்கை :
தொடர்ந்து களமிறங்கிய இலங்கை அணிக்கு டிக்வெல்லா 14, முனவீரா 11, மெண்டீஸ் 1, திரிமண்ணே 18 என அடுத்தடுத்து விக்கெட்டுகளை பறிகொடுத்து ஏமாற்றினர்.
மேத்தீவ்ஸ் 70, ஸ்ரீவர்த்தனா 39 ரன்கள் என ஓரளவு தாக்குப்பிடித்தனர். இவர்கள் இருவரும் அவுட்டான பின் ஹசரங்கா 22, புஷ்பகுமாரா 3, பெர்னாண்டோ 5, மலிங்கா 0 என ஏமாற்றினர். தனஞ்சயா 11 ரன்கள் எடுத்து அவுட்டாகாமல் இருந்தார்.

இலங்கை அணி 42.4 ஓவரில் அனைத்து விக்கெட்டுகளையும் இழந்து வெறும் 207 ரன்களை மட்டும் எடுத்து தோல்வியடைந்தது.

தோனி ஜாலம்;
அறிமுக போட்டியில் சர்துல் தாகூருக்கு டி.ஆர்.எஸ் முறையில் முதல் விக்கெட்டை பெற்றுத்தர தோனி காரணமாக இருந்தார். அதே போல தோனி சொன்னதால், டி.ஆர்.எஸ் அப்பீல் செய்த கோலிக்கு இரட்டை வெற்றி கிடைத்தது.
இந்தியா சார்பில் பும்ரா, பாண்டியா, குல்தீப் யாதவ் தலா 2 விக்கெட்டுகளும், சர்துல் தாகூர், அக்ஸர் படேல் தலா 1 விக்கெட் வீழ்த்தினர். 131 ரன்கள் குவித்த கேப்டன் கோலி ஆட்டநாயகன் விருது பெற்றார்.