Virat Kohli: ஆண்களை விட பெண்கள் குறைவாக தான் இருக்க வேண்டுமா? - சர்ச்சையில் சிக்கிய கோலி

இந்திய டென்னிஸ் வீராங்னையை விட குள்ளமாக தெரிந்து விடக்கூடாது என்பதற்காக ஒரு சிறிய மேடையில் ஏறி நின்ற விராட் கோலியை சமூக வலைத்தளங்களில் கேலி செய்து வருகின்றனர்.

இந்தியா வந்துள்ள வெஸ்ட் இண்டீஸ் அணியுடன் இந்திய கிரிக்கெட் அணி தற்போது விளையாடி வருகின்றது. இதனிடையே இந்திய கிரிக்கெட் கேப்டன் விராட் கோலி கை கடிகாரத்தை விளம்பரப்படுத்தும் நிகழ்ச்சியில் கலந்து கொண்டார்.

உயரத்தால் பிரச்னை:
கை கடிகாரத்தை விளம்பரப்படுத்தும் மாடல்களாக கோலி, கர்மன் கவுர் தண்டி இருந்தனர். இந்த விழாவில் கோலியையும், கர்மன் கவுர் தண்டியையும் அருகில் ஒன்றாக நிறுத்தி கை கடிகாரத்தை விளம்பரப் படுத்தும் புகைப்படம் எடுக்கப்பட்டது.

5 அடி 7 அங்குலம் உயரம் கொண்ட விராட் கோலி, 6 அடி உயரம் கொண்ட கர்மன் கவுர் தண்டி அருகில் நிற்கும் போது குள்ளமாக தெரிந்தார். இதனால் இருவரையும் ஒன்றாக சேர்த்து புகைப்படம் எடுக்கும் போது விராட் கோலி ஒரு சிறிய மேடை மீது நிற்க வைத்து புகைப்படம் எடுத்தனர்.

இதனால் சமூக வலைத்தளங்களில் நகைப்புக்குள்ளாக்கியது.