இந்த விஷயத்திலும் சாதனை படைத்தார் கேப்டன் கோலி

தர்மசாலா : இந்தியாவில் நடக்கும் ஆஸ்திரேலியாவுக்கு எதிரான டெஸ்ட் தொடரில், கோலி குறைவான ரன்களை எடுத்த இந்திய கேப்டன் என்ற பட்டியலில் இடம்பெற்றுள்ளார்.

இந்தியா - ஆஸ்திரேலியா அணிகளுக்கு இடையேயான 4 போட்டிகள் கொண்ட டெஸ்ட் தொடர் இந்தியாவில் நடைப்பெற்று வருகின்றது. இதன் முதல் 3 போட்டியில் விளையாடிய கோலி, காயம் காரணமாக முழு உடல் தகுதியில்லாத காரணத்தால் 4வது போட்டியில் விளையாடவில்லை. இதனால் 4வது போட்டியில் இந்தியாவின் கேப்டனாக ரஹானே செயல்படுகிறார்.

இந்நிலையில் இந்தியாவில் நடைப்பெற்ற போட்டியில், மிகக் குறைந்த அளவு ரன்களை எடுத்த இந்திய கேப்டன் என்ற பட்டியலில் கோலி முதலிடம் பிடித்துள்ளார். குறைந்தது 5 இன்னிங்ஸில் விளையாடிய கேப்டன்களை வைத்து இந்த பட்டியலை தயாரித்துள்ளனர்.



முன்னதாக கடந்த 2005ம் ஆண்டு பாகிஸ்தானுக்கு எதிரான டெஸ்ட் போட்டி தொடரில் கங்குலி சராசரியாக 9.6 ரன்கள் மட்டும் எடுத்திருந்தார். ஆனால் தற்போது நடைப்பெற்று வரும் ஆஸ்திரேலியாவுக்கு எதிரான போட்டியில், முதல் 3 போட்டியில் கேப்டனாக செயல்பட்ட கோலி மொத்தம் 46 ரன்கள் மட்டும் எடுத்துள்ளார். அதில் அதிகபட்சமாக 15 ரன்கள் எடுத்து, சராசரி 9.2 என்ற மிகக் குறைந்த ரன்கள் சேர்த்த கேப்டன் என்ற நிலையை அடைந்துள்ளார்.