ஒன்பது நாட்கள் நடந்த டெஸ்ட் போட்டி: வெற்றி வேண்டாம் என ஓடிய அணி!

கிரிக்கெட் வரலாற்றில் மிக நீண்ட டெஸ்ட் போட்டி 1939ஆம் ஆண்டு இதே நாளில் தொடங்கியது.

1939ஆம் ஆண்டு மார்ச் 3ஆம் தேதி தென் ஆப்பிரிக்காவின் டர்பன் கிரிக்கெட் மைதானத்தில் இங்கிலாந்து – தென் ஆப்பிரிக்கா இடையே டெஸ்ட் போட்டி தொடங்கியது. இப்போது போல் இல்லாமல் அந்த போட்டி 12 நாட்கள் நேர எல்லை வகுக்கப்பட்டிருந்தது. இருப்பினும், 9 நாட்களிலேயே போட்டி முடிந்தது. ஆனால், யாருக்கும் வெற்றி இல்லாமல் டிராவில் முடிந்தது!

9ஆம் நாள் ஆட்டம் முடியும் நேரத்தில் இங்கிலாந்து அணி வெற்றி பெற 41 ரன்கள் மட்டுமே தேவைபட்டன. ஆனால், இங்கிலாந்து வீரர்கள் நாடு திரும்புவதற்கான கப்பல் உடனடியாக புறப்பட வேண்டிய சூழல் ஏற்பட்டதால், அந்த 41 ரன்களை எடுக்காமல் கப்பலேறியது இங்கிலாந்து அணி. 5 போட்டிகள் கொண்ட தொடரில் மூன்றாவது போட்டியில் வென்றிருந்த இங்கிலாந்து தொடரை வென்றது.

கிரிக்கெட் வரலாற்றில் இதை விட நீண்ட நாட்கள் நடந்த டெஸ்ட் போட்டி எதுவும் இல்லை. எனவே, இது ‘டைம்லெஸ் டெஸ்ட்’ (Timeless Test Match) என்ற பெயரில் குறிப்பிடப்படுகிறது. இந்தப் போட்டியின் போது ஒரு ஓவருக்கு 8 பந்துகள் என்ற விதிமுறையும் இருந்தது.

இந்தப் போட்டியின் ஸ்கோர் விவரம்:

முதல் இன்னிங்ஸ்: தென் ஆப்பிரிக்கா – 530/10, இங்கிலாந்து – 316/10

இரண்டாவது இன்னிங்ஸ்: தென் ஆப்பிரிக்கா – 481/10, இங்கிலாந்து – 654/5 #OnThisDay in 1939, the longest Test match ever, 9 days of play over a 12 day span, began in Durban between South Africa and England. pic.twitter.com/pIaiagRKVe — ICC (@ICC) March 3, 2017