IND vs SA: மிரட்டிய மாயங்க் அகர்வால்.... : டெஸ்ட் அரங்கில் 86வது இந்தியராக இணைந்தார்!

இந்தியா, தென் ஆப்ரிக்கா அணிகள் மோதும் முதல் டெஸ்ட் போட்டி விசாகப்பட்டினத்தில் நடக்கிறது. இதில் இந்திய அணி, முதல் நாள் ஆட்டநேரம் முடிவில் விக்கெட் இழப்பின்றி 202 ரன்கள் எடுத்திருந்தது. ரோஹித் (115), மாயங்க் (84) அவுட்டாகாமல் இருந்தனர்.

மாயங்க் மிரட்டல்...
இன்றைய இரண்டாவது நாள் ஆட்டத்தில் முதல் இன்னிங்ஸை தொடர்ந்த இந்திய அணிக்கு, ரோஹித் ஷர்மா, மாயங்க் அகர்வால் சிறப்பான ஆட்டத்தை தொடர்ந்தனர்.

சீரான இடைவேளையில் இருவரும் பவுண்டரிகள் விளாசினர். இதையடுத்து இந்திய அணியின் ரன்வேகம் அதிகரித்தது. இந்நிலையில் மாயங்க் அகர்வால், டெஸ்ட் அரங்கில் தனது முதல் சதத்தை பதிவு செய்தார்.


86வது இந்தியர்...
இதன் மூலம் டெஸ்ட் அரங்கில் சதம் விளாசிய 86வது இந்தியர் என்ற பெருமை பெற்றார். தவிர, துவக்க வீரராக களமிறங்கி சதம் விளாசிய 33வது இந்தியரானார் மாயங்க. முதல் தர போட்டியில் மாயங்க் அகர்வால் அடித்த 9வது சதமாக இது அமைந்தது.

இருவரும் சதம்...
இப்போட்டியில் துவக்க வீரர்களான ரோஹித் ஷர்மா, மாயங்க் என இரு துவக்க வீரர்களும் சதம் விளாசி அசத்தினர். இதன் மூலம் டெஸ்ட் அரங்கில் 10வது முறையாக இரு இந்திய துவக்க வீரர்களும் சதம் அடித்து அசத்தினர். கடைசியாக ஆப்கானிஸ்தான் அணிக்கு எதிராக கடந்த 2018ல் பெங்களூருவில் நடந்த டெஸ்டில் இந்தியாவின் தவன், முரளி விஜய் என இரு துவக்க வீரர்களும் சதம் அடித்து அசத்தினர்.


9வது முறை...
தவிர, தென் ஆப்ரிக்க அணிக்கு எதிராக 9வது முறையாக டெஸ்ட் அரங்கில் இரு துவக்க வீரர்களும் சதம் அடித்து அடித்துள்ளனர். மேலும், இங்கிலாந்து, ஆஸ்திரேலியா அணிகளுக்கு பின் தென் ஆப்ரிக்க அணிக்கு எதிராக இரு துவக்க வீரர்களும் சதம் விளாசிய அணி என இந்திய அணி பெருமை பெற்றது.

510வது சதம்...
இப்போட்டியில் துவக்க வீரர் மாயங்க் அகர்வால் அடித்த சதம் இந்திய அணியின் 510வத் சதமாக அமைந்தது.