Will Pucovski: மிகப்பெரிய ஸ்டாராக வளர்ந்து வந்த ஆஸி வீரர் மனநல பிரச்சினையால் ஒதுங்கிய துயரம்

நடப்பு உலகக் கோப்பை கிரிக்கெட் சாம்பியனான ஆஸ்திரேலியா கிரிக்கெட் அணி, தற்போது தடுமாறி வருகின்றது. அந்த அணியில் இடம்பெறக்கூடிய அளவுக்கு தகுதியுடன் உயர்ந்து வந்த இளம் வீரர் மனநல பிரச்சினையால் ஒதுக்கப்பட்டுள்ளார்.

ஆஸ்திரேலியாவில் பாண்டிங், கில்கிறிஸ்ட், வார்னே, மெக்ராத், ஸ்டீவ் ஸ்மித் உள்ளிட்ட பல பிரபல கிரிக்கெட் வீரர்களைப் பார்த்த நாம், அண்மையில் ஆஸ்திரேலியா அணி திணறி வருவதையும் பார்த்துக் கொண்டிருக்கின்றோம்.

ஒரு போட்டியில் 243 ரன்கள்:
ஆஸ்திரேலியா அணியின் இளம் நம்பிக்கை நாயகனாக வளர்ந்து கொண்டிருக்கும் வீரர் வில் புகோவ்ஸ்கி. ஆஸ்திரேலியா உள்ளூர் கிரிக்கெட்டில் மிக சிறப்பாக விளையாடி வந்தார். 20 வயது மட்டுமே ஆகும் வில் புகோவ்ஸ்கி கடந்த வாரம் 243 ரன்களை விளாசினார். இவர் விளையாடிய 7 முதல்தர போட்டிகளில் 52.00 சராசரி வைத்துள்ளார்.


இரட்டை சதங்கள் :
ரிக்கி பாண்டிங்கிற்கு பிறகு கவுண்டி, ஷெபீல்டி ஷீல்ட் கிரிக்கெட் போட்டிகளில் இரட்டை சதம் அடித்த வீரர் என்ற பெருமையை வில் புகோவ்ஸ்கி பெற்றவர். இப்படி அசத்தலான பேட்டிங்கால் ஆஸ்திரேலியாவின் அடுத்த சூப்பர் ஸ்டார் ரெடி என ஊடகங்களால் புகழப்பட்டு வந்தார்.

மனநல பிரச்னை :
கிரிக்கெட்டில் வில் புகோவ்ஸ்கி மிக வேகமாக வளர்ந்து ஆஸ்திரேலியா அணியில் இடம்பெறுவார் என எதிர்பார்க்கப்பட்ட நிலையில் அவருக்கு மனநல பிரச்னை ஏற்பட்டுள்ளதாக காலவரையற்ற ஓய்வு கொடுக்கப்பட்டு சிகிச்சை அளிக்கப்பட்டு வருகின்றது.

பிலிப் ஹியூஸ் மரணம்:
பவுண்சர் பந்து தாக்கி உயிரிழந்த பிலிப் ஹியூஸ் பற்றி அறிந்திருப்போம். அதற்கு காரணமானவர் வேகப்பந்து வீச்சாளர் சீன் அப்போட்.


ஆஸ்திரேலியாவில் கடந்த மார்ச் மாதம் ‘ஷெபீல்டு ஷீல்டு’கோப்பைக்கான போட்டியின் போது பவுலர் அப்போட் பவுலிங் செய்த போது அதை எதிர்கொண்ட புகோவ்ஸ்கியின் ஹெல்மேட்டில் தாக்கியது. இதனால் சரிந்து விழுந்தார். அப்போது புகோவ்ஸ்கி மருத்துவ சிகிச்சை எடுத்து வந்தார்.


மேலும் படிக்க : பிலிப் ஹியூஸ் மரணத்திற்கு காரணமான ஆஸ்திரேலியா அப்போட் மிரட்டல் பவுன்ஸர் - ஆஸி.இளம் வீரர் புகோவ்ஸ்கி படுகாயம்


இந்நிலையில் கடந்த வாரம் 243 ரன்கள் அடித்த பின்னர் அவர் மனதளவில் பிரச்னை ஏற்பட்டதாக மற்றொரு தகவல் தெரிவிக்கின்றது.
வில் புகோவ்ஸ்கிக்கு சிறுது ஓய்வு தேவை. அவரை மீட்டு கொண்டு வர சிகிச்சையை கிரிக்கெட் விக்டோரியா செய்யும். இந்த ஓய்வு அவரை பாதுகாக்க கொடுக்கப்பட்டுள்ளதாக குறிப்பிடப்பட்டுள்ளது.