Mitchell Starc: உலகக் கோப்பை தான் எங்களுக்கு முக்கியம்: ஐபிஎல் வேண்டாம் என்ற ஸ்டார்க், கம்மின்ஸ், மேக்ஸ்வெல், பின்ச்

இந்தியாவின் கிரிக்கெட் திருவிழாவாக நடத்தப்படும் ஐபிஎல் போட்டியில் இந்தாண்டு பங்கேற்பதில்லை என்று ஆஸ்திரேலியா வீரர்களான ஸ்டார்க், கம்மின்ஸ், மேக்ஸ்வெல், பின்ச் தெரிவித்துள்ளனர்.

அடுத்தாண்டு உலகக் கோப்பை கிரிக்கெட் 2010 தொடர் நடைப்பெற உள்ளது. இதற்காக ஒவ்வொரு வீரரும் தாங்கள் அணியில் இடம் பெற வேண்டும் என தீவிரமான முயற்சியில் ஈடுபட்டு வருகின்றனர்.

அதே சமயம் அவர்களுக்கு ஏதேனும் காயம் ஏற்பட்டு விடக் கூடாது என்பதில் கவனமாக இருக்கின்றனர்.

ஐபிஎல் வேண்டாம் :
இந்நிலையில் ஆஸ்திரேலியா வீரர்கள் இதற்கு முன்னெடுப்பான முயற்சியில் ஈடுபட்டுள்ளனர். அதாவது உலக கோப்பையில் பங்கேற்கும் ஆஸ்திரேலியா அணியில் இடம்பெற வேண்டும் என்பதற்காக, காயம் மற்றும் பணி சுமையை குறைத்துக் கொள்ளும் பொருட்டு ஆஸ்திரேலியா பேட்ஸ்மேன் ஆரோன் பின்ச் ஆல்ரவுண்டர் மேக்ஸ்வெல் ஐபிஎல் 2019 தொடரில் பங்கேற்கப் போவதில்லை என தெரிவித்திருந்தார்.

இந்நிலையில் ஆஸ்திரேலியா வேகப்பந்து வீச்சாளர்களான ஸ்டார்க், கம்மின்ஸ் ஆகியோரும் ஐபிஎல் தொடரில் பங்கேற்கப் போவதில்லை என தெரிவித்துள்ளதாக மும்பை மிரர் தகவல் தெரிவித்துள்ளது.


கடந்த ஐபிஎல் 2018 தொடரின் போது ஸ்டார்க் ரூ.9.4 கோடிக்கு கொல்கத்தா அணியும், கம்மின்ஸ் ரூ. 5.4 கோடிக்கு மும்பை இந்தியன் அணியும் வாங்கியிருந்தது. ஆனால் இருவரும் காயம் காரணமாக விளையாட வரவில்லை என்பது குறிப்பிடத்தக்கது.