சரித்திரம் படைத்தார் தமிழர் வாரிசு ’லேடி சூப்பர் ஸ்டார்’ மிதாலி!

பிரிஸ்டல் : ஆஸ்திரேலிய அணிக்கு எதிரான பெண்கள் உலகக்கோப்பை லீக் போட்டியில், இந்திய கேப்டன் மிதாலி ராஜ் புது வரலாறு படைத்தார்.

இங்கிலாந்தில் பெண்கள் உலகக் கோப்பை கிரிக்கெட் தொடர் நடக்கிறது. இதில் பிரிஸ்டலில் இன்று நடக்கும் 23வது லீக் போட்டியில் இந்திய அணி, ஆஸ்திரேலியாவை எதிர் கொள்கிறது. இதில் டாஸ் வென்ற ஆஸ்திரேலிய அணி முதலில் பவுலிங் தேர்வு செய்தது.

வரலாறு:
இதையடுத்து களமிறங்கிய இந்திய அணிக்கு கேப்டன் மிதாலி ராஜ், 34 ரன்கள் எடுத்த போது, பெண்கள் ஒருநாள் கிரிக்கெட்டில் அதிக ரன்கள் எடுத்த இங்கிலாந்து வீராங்கனை சார்லட் எட்வர்ட்ஸை (5992 ரன்கள்) பின்னுக்கு தள்ளி முதலிடம் பிடித்தார்.

சரித்திரம்:
இதே போல இவர் 41 ரன்கள் எடுத்த போது, பெண்கள் ஒருநாள் கிரிக்கெட்டில், 6000 ரன்களை கடந்த முதல் வீராங்கனை என்ற சரித்திரம் படைத்தார் மிதாலி.

Mithali Raj becomes the highest run-scorer in ODIs, beating England’s Charlotte Edwards’ record of 5,992 runs.