தல தோனி தயாராக இருந்தா நிச்சயம் உலகக்கோப்பைக்கு எடுக்கணும்: ஹர்பஜன் சிங்!

ஐபிஎல் கிரிக்கெட் தொடரில் பங்கேற்கும் சென்னை சூப்பர் கிங்ஸ் அணியில் தோனியுடன் சேர்ந்து விளையாடுபவர் சுழற்பந்துவீச்சாளர் ஹர்பஜன் சிங். இந்நிலையில் 2019 இல் நடந்த 50 ஓவர் கிரிக்கெட் தொடருக்கு பின் இதுவரை இந்திய அணியில் இருந்து தோனி புறக்கணிக்கப்பட்டு வருகிறார்.

எப்படி எடை போடுவது
இதுகுறித்து ஹர்பஜன் சிங் கூறுகையில்,“தோனியை நீங்கள் எப்படி எடை போடூவீர்கள். அவரின் ஐபிஎல் பார்மை பார்ப்பீர்களா? அல்லது அவருக்கு மரியாதை அளிப்பீர்களா? இந்தியாவின் மிகச்சிறந்த வீரர்களில் ஒருவராகவும் சிறந்த கேப்டனாகவும் அவரை பாருங்கள். இந்திய கிரிக்கெட்டுக்காக பல விஷயங்களை தோனி செய்துள்ளார்.

தோனி ஒரு மிகப்பெரிய வீரர். இதற்கு தகுதி உள்ளதா இல்லையா? என்பதை அவர் சொல்ல வேண்டிய அவசியமில்லை. அதனால் இதைப் பற்றி அதிகம் சிந்திக்க வேண்டிய அவசியமில்லை. தோனி அணிக்கு தேவை என்றால், அதற்கு அவரும் தயாராக இருந்தால், தாராளமாக அணியில் அவரை தேர்வு செய்யலாம்.

இந்திய ரசிகர்களுக்கு இதுமட்டும் நல்லா நியாபகம் இருக்குமே: அக்தர்!

பாண்டியாவுக்கு வாய்ப்பு
இதேபோல ஆல் ரவுண்டர் ஹர்திக் பாண்டியாவும் டி-20 அணியில் இடம் பிடிப்பார். காயம் காரணமாக ஹர்திக் நிறைய போட்டிகளில் அவர் விளையாடவில்லை. இருந்தாலும் பாண்டியா போல திறமையான ஆல் ரவுண்டர் அணிக்கு அவசியம் தேவைப்படுகிறது. இதனால் இந்திய அணிக்கு சிறந்த லெவன் அணி கிடைக்கும். ஐபிஎல் கிரிக்கெட் தொடர் நடந்தாலும் நடக்கவில்லை என்றாலும் இவரை அணியில் தேர்வு செய்வது நல்ல பலனை அளிக்கும் என்றார்.

இனி இவர மாதிரி ஒரு பெஸ்ட் பினிஷர் கிடைக்க மாட்டார்: டூபிளஸிஸ்!