சென்னை விமான நிலையத்தில் படுத்திருந்த தல தோனி! வைரல் புகைப்படம்!!

கிரிக்கெட் என்றாலே தமிழ் ரசிகர்களால் அதிகம் விரும்பப்படுபவர் தோனி. இவர் சென்னையில் விமான நிலையத்தில் படுத்து இருப்பது போன்ற புகைப்படம் சமூக வலைதளங்களில் வைரலாக பரவி வருகிறது.

சென்னை சேப்பாக்கம் மைதானத்தில் நேற்று இந்தியா-ஆஸ்திரேலியா இடையே முதல் ஒருநாள் போட்டி நடைபெற்றது.
That is how you relax after taking a 1-0 lead. #TeamIndia #INDvAUS pic.twitter.com/EiCH9ruPep — BCCI (@BCCI) September 18, 2017 முதலில் பேட்டிங் செய்த இந்திய அணி 5 விக்கெட்டுக்கு 87 ரன்கள் எடுத்து தத்தளித்தது. பின்னர் இணைந்த தோனி (79), ஹர்திக் பாண்டியா (83) ஜோடி அபாரமாக ஆடி அரைசதம் விளாசி, இந்திய அணியை 281 ரன்கள் எட்ட உதவினர். அதே போல் இந்திய அணி பவுலிங் செய்யும் போது, பாண்டியா 4 ஓவரில் 2 விக்கெட் வீழ்த்தி அசத்தினார்.

இதையடுத்து செப்டம்பர் 21ஆம் தேதி, கொல்கத்தாவில் நடைபெறும் போட்டியில் கலந்து கொள்ள இந்திய அணி சென்னை விமான நிலையம் வந்தது. அப்போது, தோனி எந்த பந்தாவும் பார்க்காமல் அங்கேயே அப்படியே படுத்துவிட்டார்.

இந்தப் புகைப்படத்தை பிசிசிஐ தனது டுவிட்டரில் பக்கத்தில் பதிவிட்டுள்ளது. தற்போது இந்தப் புகைப்படம் வைரலாகி வருகிறது. சென்னை சூப்பர் கிங்ஸ் அணிக்கு தலைவராக தோனி இருந்ததில் இருந்தே, தமிழகத்தில் அவருக்கு என்று பெரிய ரசிகர் பட்டாளமே உள்ளது. மீண்டும் எப்போது சென்னை சூப்பர் கிங்ஸ் அணி, தோனி தலைமையில் வரும் என்ற ஏக்கத்தில் தமிழக கிரிகெட் ரசிகர்கள் இருந்த நேரத்தில்தான் இந்த ஒரு நாள் போட்டியும் சென்னை, சேப்பாக்கம் மைதானத்தில் நடத்தது. அப்போது, ரசிகர்கள் தோனி, தோனி என்று கரகோஷம் எழுப்பி ஆரவாரம் செய்தனர். இந்த நிலையில் இந்த புகைப்படமும் வெளியாகியுள்ளது.

இலங்கையில் நடந்த போட்டியின்போதும், அவர் மைதானத்தில் படுத்திருந்த புகைப்படம் வைரலாகி இருந்தது.

MS dhoni relaxed at Chennai airport india vs Australia match