ஆடாமல் ஜெயித்த ‘தல’ தோனி !

தனது சுயசரிதை குறித்த பாலிவுட் படத்துக்காக இந்திய கேப்டன் தோனி சுமார் ரூ. 80 கோடி சம்பளமாக பெற்றுள்ளார்.

இந்திய அணியின் வெற்றிக்கேப்டன் தோனி. ஐ.சி.சி., யால் நடத்தப்படும் மூன்று விதமான உலகக்கோப்பையை வென்ற ஒரே கேப்டன் என்ற பெருமை பெற்றவர் தோனி. இவரது வாழ்க்கை வரலாறு குறித்த பாலிவுட்படம் விரைவில் வெளியாகவுள்ளது. சர்வதேச கிரிக்கெட் அரங்கில் போட்டிகளில் பங்கேற்கும் போதே தோனியின் வாழ்க்கை படமாக்கப்பட்டுள்ளது. ஓய்வு பெறாமல் உள்ள ஒரு கிரிக்கெட் வீரரின் வாழ்க்கைகுறித்து படம் வெளியாவது இதுவே முதல் முறை.

இதற்காக படம் வெளியாகும் முன்பே இந்திய கேப்டன் தோனிக்கு ரூ.20 கோடி அப்பட தயாரிப்பாளர் வழங்கவிட்டதாக தகவல்கள் தெரிவிக்கின்றன. இதுதவிர, இந்தியாவின் பல்வேறு மொழிகளில் வெளிவரவுள்ள தோனி படத்தின் உரிமம் மூலம் இந்திய கேப்டன் தோனிக்கு ரூ. 60 கோடி கிடைக்கும் என எதிர்பார்க்கப்படுவதாக தெரிவிக்கப்பட்டுள்ளது. ஆனால் இதன் மதிப்பு தற்போது ரூ. 80 கோடியாக உயரும் என படக்குழுவினர் தெரிவித்துள்ளனர். இப்படம் வரும் செப்டம்பர் 30ல் வெளியாகவுள்ளது.