டெஸ்ட் கிரிக்கெட்டில் மிரட்டலான ஹாட்ரிக் சாதனை படைச்ச 16 வயது நசீம் ஷா!

பாகிஸ்தான் சென்றுள்ள வங்கதேச கிரிக்கெட் அணி 2 போட்டிகள் கொண்ட டெஸ்ட் தொடரில் பங்கேற்கிறது. இதன் முதல் டெஸ்ட் போட்டி ராவல்பிண்டியில் நடக்கிறது. இரண்டாவது டெஸ்ட் போட்டி ஏப்ரல் 5ஆம் தேதி முதல் ஏப்ரல் 9ஆம் தேதி வரை கராச்சியில் நடக்கிறது. இதன் முதல் இன்னிங்சில் பாகிஸ்தான் அணி முதல் இன்னிங்சில் 445 ரன்கள் எடுத்தது. வங்கதேச அணி 233 ரன்கள் எடுத்தது.

நசீம் ஷா ஹாட்ரிக்
மூன்றாவது நாள் ஆட்டநேர முடிவில், வங்கதேச அணி இரண்டாவது இன்னிங்சில் 6 விக்கெட்டுக்கு 126 ரன்கள் எடுத்து 86 ரன்கள் பின் தங்கியுள்ளது. இப்போட்டியில் பாகிஸ்தானின் நசீம் ஷா ஹாட்ரிக் விக்கெட் கைப்பற்றினார். இதன் மூலம் டெஸ்ட் கிரிக்கெட்டில் ஹாட்ரிக் விக்கெட் கைப்பற்றிய நான்காவது பவுலரானார் நசீம் ஷா.

யார் யார்?
இதற்கு முன்பாக வாசிம் அக்ரம் (எதிர்- இலங்கை, 1998-99) இரண்டு முறையும், அப்துல் ரசாக் (எதிர்- இலங்கை, காலே, 1999-00), முகம்மது ஷமி (எதிர்- இலங்கை, லாகூர் 2001-02) ஆகியோர் ஹாட்ரிக் விக்கெட் கைப்பற்றினார்.


இளம் வீரர்
இதன் மூலம் சர்வதேச டெஸ்ட் கிரிக்கெட்டில் ஹாட்ரிக் விக்கெட் வீழ்த்திய பவுலர் என்ற பெருமை பெற்றார் நசீம் ஷா. முன்னதாக கடந்த 2003இல் பாகிஸ்தான் அணிக்கு எதிராக தனது 19ஆவது வயதில் டெஸ்ட் கிரிக்கெட்டில் ஹாட்ரிக் விக்கெட் வீழ்த்தினார். இந்த சாதனையை நசீம் ஷா (16 வயது 279 நாட்கள்) முறியடித்தார். மேலும் பாகிஸ்தான் அணிக்காக இளம் வயதில் ஹாட்ரிக் விக்கெட் கைப்பற்றிய இளம் வீரர்கள் பட்டியலில் முன்னாள் வீரர் அப்துல் ரசாக்கை (20 வயது) நசீம் ஷா பின்னுக்கு தள்ளினார்.