அடப்பாவிகளா ஆள் இல்லேன்னா இப்பிடியா கோச்சை களமிறக்குவீங்க...

நியூசிலாந்து, இந்திய அணிகள் மோதும் இரண்டாவது ஒருநாள் போட்டி ஆக்லாந்தில் இன்று நடக்கிறது. இதில் முதலில் களமிறங்கிய நியூசிலாந்து அணிக்கு கப்டில் (79), டெய்லர் (73*) ஆகியோர் கைகொடுக்க, நியூசிலாந்து அணி 50 ஓவரில் 8 விக்கெட்டுக்கு 273 ரன்கள் எடுத்தது. இதையடுத்து களமிறங்கிய இந்திய அணி 251 ரன்களுக்கு ஆல் அவுட்டாகி 22 ரன்கள் வித்தியாசத்தில் தோல்வியடைந்தது.

தொடரும் சோகம்
இப்போட்டியில் இந்திய கிரிக்கெட் அணி பேட்டிங் செய்த போது, போட்டியின் 39ஆவது ஓவரை நியூசிலாந்து வீரர் கைல் ஜேமிசன் வீசினார். அப்போது நியூசிலந்து அணியின் மாற்று வீரர்கள் அனைவரும் காயமடைந்ததால் மாற்று வீரராக பயிற்சியாளர் லூக் ரான்கி களமிறங்கினார். இப்போட்டிக்கு முன்பாக நியூசிலாந்து அணி ஒரே ஒரு மாற்று வீரரை மட்டுமே அறிவித்தது.

கேப்டனும் காயம்
இன்றைய போட்டியில் களமிறங்காத நியூசிலாந்து அணியின் சுழற்பந்து வீச்சாளர் மிட்சல் சாண்ட்னர் தான் அந்த மாற்று வீர்ர். ஆனால் அவருக்கு வயிறு சரியில்லை. இதனால், அவரால் மாற்று வீரராக இன்று களமிறங்க முடியவில்லை. அதே போல கேப்டன் வில்லியம்சனும் தோள்பட்டை காயம் காரணமாக விலகியுள்ளார். மற்றொரு வீரர் ஸ்காட் கக்லேஜிஜினும் உடல் நிலை சரியில்லாத காரணத்தால் களமிறங்கவில்லை.


முதல் முறையல்ல
இதனால் மாற்று வீரராக பயிற்சியாளர் லூக் ரான்கி களமிறங்கினார். ஆனால் இது போல பயிற்சியாளர் மாற்று வீரராக களமிறங்குவது இது முதல் முறையல்ல. கடந்த மாதம் நியூசிலாந்து அணி ஆஸ்திரேலிய அணிக்கு எதிரான தொடரில் இதே போல நியூசிலாந்து அணி வீரர்கள் காயத்தால் அவதிப்பட்ட போது அந்த அணியின் பேட்டிங் பயிற்சியாளர் பீட்டர் புல்டன் பீல்டிங் செய்தார்.