உலகக் கோப்பை டி20 கிரிக்கெட்டுக்கு இருந்த விதிவிலக்கு மாற்றம் : ஏமாற்றத்தில் ரசிகர்கள்

ஒவ்வொரு இரண்டு வருடங்களுக்கு ஒரு முறை நடந்து வந்த உலகக் கோப்பை டி20 கிரிக்கெட், இனி 4 வருடங்களுக்கு ஒரு முறை நடைப்பெறும் என தகவல் தெரிவிக்கின்றன.

ஐசிசி நடத்தும் உலகக் கோப்பை கிரிக்கெட் மற்றும் மினி உலகக் கோப்பை என அழைக்கப்படும் சாம்பியன்ஸ் டிராபி கிரிக்கெட் தொடர், 4 வருடங்களுக்கு ஒரு முறை நடைப்பெறுவது வழக்கம். உலகக் கோப்பை டி20 கிரிக்கெட் போட்டி மட்டும் இரு ஆண்டுகளுக்கு ஒரு முறை நடைப்பெற்று வருகின்றது.

டி20க்கு பிரச்னை:
கடந்த உலகக் கோப்பை டி20 கிரிக்கெட் தொடர் 2016ல் நடைப்பெற்றது, அதில் வெஸ்ட் இண்டீஸ் சாம்பியன் பட்டம் வென்றது. அடுத்த உலகக் கோப்பை டி20வரும் 2018ல் நடைப்பெறும் என கூறப்பட்ட நிலையில், தற்போது அடுத்த போட்டித் தொடர் 2020ல் நடைப்பெறும் என தகவல் தெரிவிக்கின்றன.

2018ல் நடைப்பெறுவதற்கான சாத்தியக்கூறுகள் குறைவாக உள்ளன. ஏனெனில் அப்போது, பல்வேறு கிரிக்கெட் போர்டுகள், தங்கள் அணி மற்றொரு நாடுகளுக்கிடையேயான போட்டித் தொடர் நடத்த திட்டமிட்டுள்ளன.

அதன்காரணமாக போட்டி நடத்த சரியான கால இடைவெளி இல்லாததால், அடுத்த டி20 உலகக் கோப்பை 2020 ல் நடைப்பெறும் என தெரிவிக்கப்பட்டுள்ளது.

அனேகமாக இந்த விதிமுறை ஐசிசி நடத்தும் மற்ற உலகக் கோப்பை ஒருநாள் தொடர், சாம்பியன்ஸ் டிராபி போல 4 ஆண்டுகளுக்கு ஒருமுறை நடத்த திட்டமிடப்பட்டுள்ளதாக தகவல்கள் தெரிவிக்கின்றன.