7ல் இது ‘6’ வில்லியம்சனின் விசித்திர சாதனை!

புதுடில்லி: இந்திய அணிக்கு எதிரான இரண்டாவது ஒருநாள் போட்டியில் சதம் அடித்த நியூசிலாந்து கேப்டன் வில்லியம்சன் படைத்த சாதனைகள் உட்பல சில சாதனை துளிகளை காணலாம்.

மூன்றாவது கேப்டன்:

இரண்டாவது ஒருநாள் போட்டியில் சதம் அடித்த நியூசிலாந்து கேப்டன் வில்லியம்சன் இந்திய அணிக்கு எதிராக சதம் அடித்த நியூசிலாந்து கேப்டன்கள் பட்டியலில் மூன்றாவது இடம் பிடித்தார். இதற்கு முன் கடந்த 1994ல் அப்போதைய கேப்டன் கென் ரூதர்போர்டு, கடைசியாக சதம் அடித்தார்.

* தவிர, இந்திய அணிக்கு எதிராக அதிக அரைசதம் அடித்த நியூசிலாந்து வீரர்கள் பட்டியலில், நியூசிலாந்து கேப்டன் வில்லியம்சன் (6 அரைசதம்) நான்காவது இடம் பிடித்தார். இப்பட்டியலில், முன்னாள் வீரர் ஆஸ்லே (10), முதலிடத்தில் உள்ளார். அடுத்த இரண்டு இடத்தில் ஸ்டிவன் பிளமிங் (9), ராஸ் டெய்லர் (6) ஆகியோர் உள்ளனர்.

* தவிர, நியூசிலாந்து அணிக்காக குறைந்த இன்னிங்சில், 8 சதத்தை பூர்த்தி செய்த வீரர்கள் பட்டியலில் வில்லியம்சன் (89 இன்னிங்ஸ்) முதலிடம் பிடித்தார்.

‘7’ ல் இது ‘6’ :

இரண்டாவது ஒருநாள் போட்டியில் 118 ரன்கள் விளாசிய நியூசிலாந்து கேப்டன் வில்லியம்சன், இந்திய அணிக்கு எதிராக கடைசியாக பங்கேற்ற 7 இன்னிங்சில், 6 இன்னிங்சில் 50 ரன்களுக்கு மேல் எடுத்துள்ளார்.