World cup 2019: உலகக் கோப்பைக்கான கேப்டன் அறிவித்தது பாகிஸ்தான் கிரிக்கெட் வாரியம்

உலகக் கோப்பையில் பாகிஸ்தான் அணிக்கு கேப்டனாக சர்ஃப்ரஸ் அகமதுவே செயல்படுவார் என பாகிஸ்தான் கிர்க்கெட் வாரியம் அறிவித்துள்ளது.

இங்கிலாந்தில் 50 ஓவர் உலகக் கோப்பை 2019 தொடர் மே 30ம் தேதி தொடங்கி ஜூலை 14ம் தேதி வரை நடைப்பெற இருக்கிறது.

இப்போட்டிக்காக ஒவ்வொரு அணியும் தீவிரமாக தயாராகி வருகின்றது. பாகிஸ்தான் கிரிக்கெட் அணியின் கேப்டனாக சர்ஃப்ரஸ் அகமதுவே செயல்படுவார் என பாகிஸ்தான் கிரிக்கெட் வாரிய தலைவர் சேர்மன் ஏசான் மனி அறிவித்துள்ளது.

அவர் கூறும்போது, “சர்ஃப்ரஸ் அகமது ஒரு கேப்டனாக மட்டுமல்ல, வீரனாக அணிக்கு சிறப்பான பங்களிப்பை அளித்துள்ளார். அவரின் திறமையை நிரூபித்துள்ளார். இக்கட்டான சூழலில் கள வியூகம் அமைப்பதில் வல்லவர்.” என தெரிவித்துள்ளார்.