’தல’ தோனியை கூப்பிடுங்க ‘பிளீஸ்’: கெஞ்சும் பாக்., பாய்ஸ்!

லாகூர்: ’தல’ தோனி ஆட்டத்தை பார்க்க பாகிஸ்தான் ரசிகர்கள் அதிக ஆர்வமாக இருப்பதாக தெரிவித்துள்ளனர்.

இலங்கை கிரிக்கெட் அணிக்கு எதிரான தாக்குதலுக்கு பின் பாகிஸ்தான் அணி எவ்வளவு கெஞ்சியும் இதுவரை அந்நாட்டுக்கு சுற்றுப்பயணம் செல்ல எந்த ஒரு கிரிக்கெட் அணியும் முன்வரவில்லை. இந்நிலையில், ஐசிசி.,யின் முயற்சியால், தற்போது, நீண்ட இடைவேளைக்கு பின், பாகிஸ்தான் - ஐ.சி.சி. உலக லெவன் அணிகளுக்கு இடையிலான மூன்று போட்டிகள் கொண்ட டி20 கிரிக்கெட் தொடர் நடக்கிறது.

இதில் தென்ஆப்பிரிக்காவின் டுபிளிசி உள்ளிட்ட வீரர்கள் பங்கேற்கவுள்ளனர். ஆனால் உலக லெவன் அணியில் எதிர்பார்த்தது போல எந்த இந்திய வீரரும் இடம் பெறவில்லை. இதனால் பாகிஸ்தான் ரசிகர்கள் சமூக வலைதளங்களில் தங்களது அதிருப்தியை தெரிவித்து வருகின்றனர்.

குறிப்பாக தல தோனி, கேப்டன் விராட் கோலி ஆகியோரில் யாராவது ஒருவரை அணியில் சேர்த்திருக்கலாம் என அவர்கள் கருத்து தெரிவித்து வருகின்றனர்.

No Indian cricketer is part of the ICC World XI side which will play a three-match T20I series against Pakistan in Lahore. Pakistani fans wanted to see Virat Kohli and MS Dhoni among world stars