வேண்டும் வேண்டும் பிங்க் பால் வேண்டும்... ஷேன் வார்ன் போர்க்கொடி!

பிங்க் பால் பகலிரவு டெஸ்ட் போட்டிகளில் மட்டும் பயன்படுத்துவது சரியான முடிவல்ல. அனைத்து டெஸ்ட் போட்டிகளிலும் பயன்படுத்த வேண்டும். பாரம்பரியமாக பயன்பாட்டில் இருக்கும் ரெட் பாலை ஒழித்துவிடுவது நல்லது என டெஸ்ட் கிரிக்கெட்டில் அதிக விக்கெட்களை கைப்பற்றியவர்களில் இரண்டாவது இடத்தில் நீடிக்கும் ஷேன் வார்ன் தெரிவித்துள்ளார். தனியார் பத்திரிக்கைக்கு பேட்டி கொடுத்த அவர், “டெஸ்ட் போட்டிகளில் பிங்க் பால் பயன்படுத்த வேண்டும் எனக் கடந்த சில வருடங்களாகவே வலியுறுத்தி வருகிறேன். தற்போது, பகலிரவு ஆட்டத்தில் மட்டுமே பயன்படுத்தப்பட்டு வருகிறது.

பகல் நேரத்தில் நடக்கும் டெஸ்டிலும் இதை நடைமுறைப்படுத்த வேண்டும்” எனத் தெரிவித்தார். “பிங்க் பால் பளிச்சென்று தெரிகிறது. பார்வையாளர்களால் கூட அதைப் பார்க்க முடியும். டிவியில் பார்ப்பதற்கும் நன்றாக இருக்கும். பொதுவாகவே ரெட் பாலை விட இது அனைத்து விதத்திலும் சிறந்தது. ஒரேயொரு பரிந்துரை என்னவென்றால் பிங்க் பாலை 60 ஓவர்களுக்கு ஒருமுறை மட்டுமே பயன்படுத்த வேண்டும்.

‘கட்டப்பா’ ரஹானேவால் வீழ்ந்த ‘பாகுபலி’ கோலி... சரிந்த இந்திய அணி சாம்ராஜ்யம்!

ஏனென்றால், அது அதன்பிறகு மிகவும் மென்மையாக மாறிவிடுகிறது” என்றார். பகலிரவு டெஸ்ட் போட்டிகளை முன்னோக்கி நகர்த்திச் செல்வதற்கு பிங்க் பால் உதவிகரமாக உள்ளது. காரணம், அதனுடைய ஒளிரும் தன்மைதான். ஆனால், பிங்க் பால் விரைவில் மென்மையாகிவிடுகிறது. இது பந்துவீச்சாளர்களுக்கு எந்த வகையில் பயனுள்ளதாக இருக்கும் எனப் பல முன்னாள் கிரிக்கெட் வீரர்கள் கேள்வி எழுப்பி வருகின்றனர்.

இதுகுறித்து பேசிய வார்ன், ரெட் பாலை விட இது மேம்பட்டதுதான் எனத் தெரிவித்தார். “ரெட் பால் அவ்வளவாக ஸ்விங் ஆகாது. 25 ஓவர்கள் கடந்தவுடன் பந்து மென்மையானதாக மாறிவிடுகிறது. இதை 80 ஓவர்கள் வரை பந்துவீச்சாளர்கள் பயன்படுத்தி எப்படி விக்கெட்களை வீழ்த்த முடியும். ரெட் பாலை விட பிங்க் பால் எவ்வளவோ மேல்.

விஷால் - ஆர்யா மிரட்டும் 'எனிமி' ஃபர்ஸ்ட் லுக்!

சோதனை முயற்சியாகக் கூட பகல் டெஸ்ட் போட்டிகளில் பிங்க் பால் பயன்படுத்திப் பார்க்க வேண்டும். அதன்பிறகு, முடிவுகளை எடுக்கலாம்” எனக் கூறினார். ஷேன் வார்ன் 145 டெஸ்ட் போட்டிகளில் (273 இன்னிங்ஸ்) விளையாடி 708 விக்கெட்களை வீழ்த்தியுள்ளார் என்பது குறிப்பிடத்தக்கது.