T20 World Cup 2021: அணியை மாத்தியமைங்க…இந்த 4 பேர தூக்குங்க: பிரதமர் கோரிக்கை? நிர்வாகிகள் ஷாக்!

டி20 உலகக் கோப்பைக்கான பாகிஸ்தான் அணி சமீபத்தில் அறிவிக்கப்பட்டது. இதில், பலருக்கும் அதிர்ச்சி தரக் கூடிய வகையில் பக்கர் ஜமான், மூத்த வீரர் ஷோயிப் மாலிக் ஆகியோரின் பெயர்கள் இடம்பெறவில்லை. இதனைத் தொடர்ந்து அடுத்த இரண்டு மணி நேரத்தில் தலைமை பயிற்சியாளர் மிஸ்பா உல் ஹக், பௌலிங் கோச் வகார் யூனிஸ் ஆகியோர் தங்களது பதவியை ராஜினாமா செய்தார்கள். மேலும், கேப்டன் பாபர் அசாமும் அதிருப்தியில் இருப்பதாகத் தகவல் வெளியானது.

அதன்பிறகு பத்திரிகையாளர்களைச் சந்தித்த மிஸ்பா உல் ஹக், “மருத்துவ பாதுகாப்பு வட்டத்தில் அதிக நாட்கள் இருந்துவிட்டேன். இதனால் மன அழுத்தம் ஏற்பட வாய்ப்பிருக்கிறது. குடும்பத்தினருடன் நேரத்தைச் செலவிட விரும்புகிறேன். எனது ராஜினாமாவுக்கு இதுமட்டும்தான் காரணம்” என தெளிவாக விளக்கினார். இதனால் சர்ச்சைகள், வதந்திகளுக்கு முற்றுப்புள்ளி வைக்கப்பட்டது. இதனை தொடர்ந்து, டி20 உலகக் கோப்பைக்கான பாகிஸ்தான் அணித் தேர்வு குறித்து அக்தர் உட்பட பலரும் அதிருப்தியை வெளிப்படுத்த வருகிறார்கள். ஒருசில மாற்றங்களைச் செய்தே ஆக வேண்டும் என பலரும் கோரிக்கை விடுத்து வருகிறார்கள்.

T20 World Cup 2021: இவர ஏன் சேக்கல…பிசிசிஐ இதுக்கு பதில் சொல்லியே ஆகணும்: சேவாக் காட்டமான கேள்வி!


பிரதமர் கோரிக்கை:

இந்நிலையில் டி20 உலகக் கோப்பைக்கான பாகிஸ்தான் அணியில் 4 மாற்றங்களைச் செய்ய வேண்டும் என பாகிஸ்தான் கிரிக்கெட் வாரிய தலைவர் ரமீஸ் ராசாவிடம் அந்நாட்டு பிரதமரும், முன்னாள் கேப்டனுமான இம்ரான் கான் கோரிக்கை விடுத்திருப்பதாக பாகிஸ்தான் உள்ளூர் ஊடகம் செய்தி வெளியிட்டுள்ளது. அந்த நான்கு பேரும் ஆசம் கான், முகமது ஹஸ்னைன், குஷ்டில் ஷா, முகமது நவாஸ் ஆகியோர் தான் எனக் கூறப்படுகிறது.

மேலும், இவர்களுக்குப் பதில் அதிரடி ஆட்டக்காரர் பக்கர் ஜமான், மூத்த வீரர் ஷோயிப் மாலிக், ஷாநவாஸ் தஹானி மற்றும் உஸ்மான் காதரை சேர்க்க வேண்டும் என பிரதமர் வலியுறுத்தியதாக அந்த பாகிஸ்தான் உள்ளூர் ஊடகம் செய்தி வெளியிட்டுள்ளது. அணித் தேர்வு குறித்து கடும் விமர்சனங்கள் எழுந்து வரும் நிலையில் பிரதமரே இந்த விவகராத்தில் நேரடியாக தலையிட்டிருப்பதால், நிர்வாகிகள் அதிர்ச்சியில் இருப்பதாகவும் செய்திகள் வெளி வந்துள்ளன.

T20 World Cup 2021: நம்ம ஆட்டத்தை பாத்து…எல்ல நாடும் பின்னாடியே ஓடி வரணும்: முன்னாள் வீரரின் ஆசை!

அணி மாற்றம் சாத்தியமா?

டி20 உலகக் கோப்பை அணியை அனைத்து நாடுகள் அறிவித்துவிட்டன. இது இறுதிப் பட்டியல் கிடையாது. வீரர்களின் உடல் தகுதியைக் காரணம் காட்டி, அக்டோபர் 10ஆம் தேதிவரை அணியை மாற்றியமைக்கலாம். அதன்பிறகு அணியை மாற்றியமைக்க முடியாது என்பது குறிப்பிடத்தக்கது.