காயம் காரணம் குயிண்டன் டி-காக் விலகல்!

ஜோகானஸ்பர்க்: காயம் காரணமாக ஜிம்பாப்வே அணிக்கு எதிரான தொடரில் இருந்து தென் ஆப்ரிக்க வீரர் குயிண்டன் டி காக் விலகியுள்ளார்.

தென் ஆப்ரிக்கா சென்றுள்ள ஜிம்பாப்வே அணி ஒரே ஒரு நான்கு நாட்கள் கொண்ட டெஸ்டில் பங்கேற்கிறது. இதன் முதல் இன்னிங்சில், தென் ஆப்ரிக்க அணி, 9 விக்கெட்டுக்கு 309 ரன்கள் எடுத்து டிக்ளேர் செய்தது.

இதன் பின் களமிறங்கிய ஜிம்பாப்வே அணி, முதல் இன்னிங்சில் 68 ரன்களுக்கு சுருண்டு பாலோ ஆன் பெற்றது. இரண்டாவது இன்னிங்சிலும் 6 விக்கெட்டை பறிகொடுத்து ஜிம்பாப்வே அணி தடுமாறிவருகிறது.

இப்போட்டியின் முதல் இன்னிங்சில் தென் ஆப்ரிக்க வீரர் குயிண்டன் டி காக்கிறகு தசைப்பிடிப்பு ஏற்பட்டது. இதனால் அவர் பீல்டிங்கின் போது களமிறங்கவில்லை.

டிவிலியர்ஸ் இவருக்கு பதிலாக விக்கெட் கீப்பிங் செய்தார். இந்நிலையில் டிகாக் டெஸ்டில் இருந்து விலகியுள்ளார்.


PORT ELIZABETH: South African wicket-keeper Quinton de Kock will play no further part in the one-off day-night Test against Zimbabwe after injuring a hamstring while batting on Tuesday.