தினுசு..தினுசா.. அசிங்கப்படும் இலங்கை: விட்டு விளாசும் வங்கதேசம்!

தம்புலா: இலங்கை, வங்கதேச அணிகள் மோதிய இரண்டாவது ஒருநாள் போட்டி, மழை காரணமாக ரத்தானது.

இலங்கை சென்றுள்ள வங்கதேச அணி, 3 ஒருநாள் போட்டிகள் கொண்ட தொடரில் பங்கேற்று வருகிறது. இதன் முதல் போட்டியில் வங்கதேச அணி வென்றது.

மெண்டிஸ் சதம்:
இரு அணிகள் மோதிய இரண்டாவது ஒருநாள் போட்டி, தம்புலாவில் நடந்தது. இதில் ’டாஸ்’ வென்ற கேப்டன் தரங்கா, முதலில் ‘பேட்டிங்’ தேர்வு செய்தார். இதையடுத்து களமிறங்கிய இலங்கை அணிக்கு குசல் மெண்டிஸ் (102) சதம் அடித்து கைகொடுக்க, இலங்கை அணி 49.5 ஓவரில் 311 ரன்களுக்கு ஆல் அவுட்டானது.

தஸ்கின் ஹாட்ரிக்:
இதில் கடை சி ஓவரை வீசிய வங்கதேச வீரர் தஸ்கின் அஹமது, மூன்றாவது பந்தில் குணரத்னேவை (39) அவுட்டாக்கினார். அடுத்த பந்தில் லக்மலை ’டக்’ அவுட்டாக்கினார். பின் ஐந்தாவது பந்தில் பிர்தீப் (0) போல்டாக தஸ்கின் அஹமது ‘ஹாட்ரிக்’ விக்கெட் கைப்பற்றினார்.

ஐந்தாவது வீரர்:
இதன் மூலம் சர்வதேச ஒருநாள் அரங்கில், சஹாதத் ஹொசைன், அப்துர் ரசாக், ரூபெல் ஹொசைன், தைஜுல் இஸ்லாம் ஆகியோருக்கு பின் இந்த மைல்கல்லை எட்டிய ஐந்தாவது வங்கதேச வீரர் என்ற பெருமை பெற்றார் தஸ்கின் அஹமது.

மழை குறுக்கீடு:
ஆனால் இதன் பின் மழை தொடர்ந்து பெய்து கொண்டே இருந்ததால், அம்பயர்கள் போட்டியை ரத்து செய்வதாக அறிவித்தனர். இதனால் இந்த போட்டிக்கு முடிவு எட்டப்படவில்லை. ஒருவேளை போட்டி நடந்திருந்தாலும், இலங்கை மண்ணில் இதுவரை எந்த அணியும் 300 ரன்களுக்கு மேல் நிர்ணயிக்கப்பட்ட இலக்கை இதுவரை எட்டியதில்லை. அதனால், இத்தொடரை சமம் செய்யும் இலங்கையின் ஆசையில் மரண அடிவிழுந்துள்ளது.

கொழும்புவில் ஃபைனல்:
தற்போது இத்தொடரில் வங்தேச அணியின் கையே 1-0 என ஓங்கியுள்ளது. இரு அணிகள் மோது கடைசி ஒருநாள் போட்டி வரும் ஏப்ரல் 1ல் கொழும்புவில் நடக்கவுள்ளது. இதில் இலங்கை வென்றாக வேண்டிய கட்டாயத்துக்கு தள்ளப்பட்டுள்ளது.

DAMBULLA (Sri Lanka): Heavy rain washed out the second one-day international of a three-match series between Sri Lanka and Bangladesh in Dambulla on Tuesday.