மிதாலி மிரட்டல் சதம்: நியூசிலாந்துக்கு 266 ரன்கள் இலக்கு!

டெர்பி : நியூசிலாந்து அணிக்கு எதிரான பெண்கள் உலகக்கோப்பை லீக் போட்டியில், இந்திய கேப்டன் மிதாலி ராஜ் சதம் விளாச இந்திய அணி, 50 ஓவரில் 7 விக்கெட்டுக்கு 265 ரன்கள் எடுத்தது.

இங்கிலாந்தில் பெண்கள் உலகக் கோப்பை கிரிக்கெட் தொடர் நடக்கிறது. இதில் டெர்பியில் இன்று நடக்கும் 27வது லீக் போட்டியில் இந்திய அணி, நியூசிலாந்து அணியை எதிர் கொள்கிறது. இதில் டாஸ் வென்ற நியூசிலாந்து அணி முதலில் பவுலிங் தேர்வு செய்தது.

இதில் வெற்றி பெறும் அணி அரையிறுதிக்கு தகுதி பெறும், தோல்வியை சந்திக்கும் அணி தொடரில் இருந்து வெளியேறும். இதையடுத்து களமிறங்கிய இந்திய அணிக்கு கேப்டன் மிதாலி ராஜ், 23 ரன்கள் எடுத்த போது, இந்த ஆண்டு உலகக்கோப்பை பெண்கள் கிரிக்கெட்டில் 1000 ரன்கள் என்ற மைல்கல்லை எட்டினார்.

இதன் மூலம் இந்த மைல்கல்லை எட்டிய ஐந்தாவது வீராங்கனை என்ற பெருமை பெற்றார் மிதாலி ராஜ். இருப்பினும் துவக்க வீராங்கனைகளான மந்தனா (13), பூனம் ராத் (4) சொதப்பலாக வெளியேறினர். இந்நிலையில் இந்திய அணி 2 விக்கெட்டுக்கு 60 ரன்கள் எடுத்த போது, மழை குறுக்கிட்டதால், போட்டி நடப்பதில் தாமதம் ஏற்பட்டது.

தொடர்ந்து மழை நின்று சிறுது நேர தாமதத்துக்கு பின் போட்டி மீண்டும் துவங்கியது. தொடர்ந்து சிறப்பான ஆட்டத்தை வெளிப்படுத்திய மிதாலி, சதம் (109) அடித்து அவுட்டானார். இவரு க்கு நல்ல கம்பெனி கொடுத்த கிருஷ்ணமூர்த்தி (70) அரைசதம் விளாசினார். இதையடுத்து இந்திய அணி 50 ஓவரில் 7 விக்கெட்டுக்கு 265 ரன்கள் எடுத்தது.

Raj ton, Veda blitz muscle India to 265