Rashid Khan: ஆல்ரவுண்டராக மாறிய ரசித் கான்! - வங்கதேசத்திற்கு 256 ரன்கள் இலக்கு

ஆசிய கோப்பை தொடரில் மொத்தம் 6 அணிகள் பங்கேற்கின்றன. இதில் ‘ஏ’ பிரிவில் இந்தியா, பாகிஸ்தான், ஹாங்காங் அணிகளும், ‘பி’ பிரிவில் ஆப்கானிஸ்தான், இலங்கை, வங்கதேசம் விளையாடுகின்றன.

தொடரின் 6வது மற்றும் கடைசி லீக் போட்டி இன்று அபுதாபியில் நடைப்பெறுகிறது. இதில் வங்கதேசம் - ஆப்கானிஸ்தான் ஆகிய அணிகள் விளையாடுகின்றன.

ரசித் கான் அபார அரைசதம்:
டாஸ் வென்று முதலில் பேட்டிங் செய்த ஆப்கானிஸ்தான் அணிக்கு தொடக்க வீரர் முகமது செசாத் 37, எடுக்க அடுத்த இரு வீரர்கள் சொதப்பலாக விக்கெட்டை இழந்தனர். பின்னர் வந்த சஹிதி 58 ரன்கள் எடுத்து அசத்தினார்.

ஆப்கான் அணி 41 ஓவரில் 7 விக்கெட் இழந்து 160 ரன்கள் மட்டும் எடுத்து தவித்தது. கடைசி நேரத்தில் களமிறங்கிய குலாபதின் நயிப் மற்றும் ரசித் கான் மெதுவாக தொடங்கி அதிரடியாக விளையாடி ரன்களை குவித்தனர்.

50 ஓவர் முடிவில் குலாபதின் நயிப் 42 மற்றும் ரசித் கான் 57 ரன்கள் விளாச ஆப்கான் 7விக்கெட் இழந்து 255 ரன்கள் குவித்துள்ளது.

வங்கதேசம் வெல்லுமா?
ஆப்கான் அணியின் பவுலிங் மிக சிறப்பாக இருப்பதால் வங்கதேசம் அணி வெல்ல போராட வேண்டி இருக்கும்.