'ஒன் மேன் ஷோ' காட்டிய கேதர் ஜாதவ் : ஸ்டார் கெயில் சொதப்பல்!

பெங்களூரு: டெல்லி அணிக்கு எதிரான ஐபிஎல் தொடரின் லீக் போட்டியில், பெங்களூரு அணி 20 ஓவரில் 8 விக்கெட்டுக்கு 157 ரன்கள் எடுத்தது.

இந்தியாவில் நடக்கும் உள்ளூர் டி-20 கிரிக்கெட் தொடரான ஐ ுபிஎல் தொடர், 10வது ஆண்டாக வெற்றிகரமாக துவங்கி நடந்து வருகிறது. இதில் பெங்களூருவில் நடக்கும் ஐந்தாவது லீக் போட்டியில், ராயல் சேலஞ்சர்ஸ் பெங்களூரு, டெல்லி டேர்டெவில்ஸ் அணிகள் மோதுகின்றன.

கெயில் ஏமாற்றம்:
இதில் முதலில் ‘டாஸ்’ வென்ற பெங்களூரு அணி கேப்டன் வாட்சன், முதலில் ‘பேட்டிங்’ தேர்வு செய்தார். இதையடுத்து களமிறமிறங்கிய பெரிய திமிங்கலம் கெயில்(6) சொதப்பலாக வெளியேறினார். கேப்டன் வாட்சன் (24) ஓரளவு கைகொடுத்தார்.

ஜாதவ் அமர்களம்:
பின் பின்னியுடன் ஜோடி சேர்ந்த கேதர் ஜாதவ், தனிஒருவனாக டெல்லி பந்து வீச்சை பதம் பார்த்தார். அமித் மிஸ்ராவின் ஓவரில் 24 ரன்கள் விளாசிய இவர், ஜாகிர், பிராத்வெயிட் ஆகியோரையும் விட்டு வைக்கவில்லை.

இவருக்கு கம்பெனி கொடுத்த பின்னி (16) அவுட்டாக. அடுத்து வந்த விஷ்ணு விநோத் (9) ஒரு சிக்சர் மட்டும் அடித்து வெளியேறினார். எதிர்முனையில் விளாசிக்கொண்டிருந்த ஜாதவ் (69) அரைசதம் அடித்து அனுபவ ஜாகிர் பந்தில் அவுட்டானார். பின் வரிசை வீரர்கள் ஏமாற்ற, பெங்களூரு அணி, 20 ஓவரில், 8 விக்கெட்டுக்கு 157 ரன்கள் எடுத்தது.