‘தல’ தோனிக்காக ஷாக்சி செய்த தியாகம் !

இந்திய கேப்டன் தோனிக்காக அவரது மனைவி ஷாக்சி செய்த தியாகம் தற்போது வெளியாகியுள்ளது.

இந்திய கிரிக்கெட் அணியின் வெற்றிக்கேப்டன் தோனி. ஐ.சி.சி.,யால் நடத்தப்படும் மூன்று விதமான கிரிக்கெட் உலக கோப்பை வென்ற ஒரே கேப்டன் என்ற பெருமைக்கு சொந்தக்காரர் தோனி. இவரது வாழ்க்கை வரலாறு பாலிவுட்டில் படமாக்கப்பட்டு சமீபத்தில் வெளியானது.

வெளியான நான்கு நாட்களிலேயா சுமார் 100 கோடிக்கு மேல் வசூல் செய்த இப்படம் ரசிகர்கள் மத்தியில் தோனி எவ்வளவு பிரபலமாக இருக்கிறார் என்பதை எடுத்துக்காட்டியது. இந்தபடத்துக்காக கேப்டன் தோனி பட்ட கஷ்டத்தைவிட அவரது மனைவி ஷாக்சி தான் பல தியாகங்களை செய்துள்ளார். ஆனால் அவர்பட்ட கஷ்டங்களுக்கு தற்போது பலன் கிடைத்துள்ளது.

இப்படத்தில் ஷாக்சியாக நடித்த கியாரா அத்வானி, பல காட்சிகளில் ரசிகர்களை தோனியை விட்டு தன் பக்கம் திருப்ப தவறவில்லை. இதனால் தோனிக்கு நிகரான முக்கியத்துவம் ஷாக்சிக்கும் கிடைத்துள்ளது. இதனால் அவர் பெரும் மகிழ்ச்சியில் உள்ளாராம். இப்படத்துக்காக தான் தோனியை சந்தித்த தருணம், அவருடன் பழகிய விதம் என அனைத்தையும் கியாராவுக்கு சொல்ல ஷாக்சி தவறவில்லை. குறிப்பாக ஷாக்சி தனது திருமணத்தன்று அணிந்திருந்த அதே உடையை இப்படத்துக்காக கியாராவிடம் கொடுத்துள்ளார்.

இதைப்படத்தில் பார்த்த ஷாக்சியின் தோழிகள், அக்காட்சிகள் ஷாக்சியின் உண்மையான திருமண நிகழ்ச்சியை நினைவுபடுத்தும் வித்தத்தில் உள்ளதாக ஷாக்சிக்கு மெசேஜ் மூலம் தெரிவித்துள்ளனர். இதையும் கியாராவுக்கு ஷாக்சி தெரிவித்து கூடவே பாராட்டுகளையும் தெரிவித்துள்ளார்.