ரோஹித் அரைசதம்
இதில் இந்திய அணிக்கு ரோஹித் ஷர்மா (65) அரைசதம் அடித்து கைகொடுத்தார். தொடர்ந்து நடந்த சூப்பர் ஓவரிலும் 15 ரன்கள் விளாசி இந்திய அணியின் வெற்றிக்கு கைகொடுத்தார். இப்போட்டியில் ரோஹித் ஷர்மா 48 ரன்கள் அடித்த போது சர்வதேச கிரிக்கெட்டில் 10,000 ரன்களை கடந்த இந்திய துவக்க வீரர்கள் பட்டியலில் இணைந்தார்.
21ஆவது வீரர்
இதன் மூலம் இம்மைல்கல்லை எட்டிய நான்காவது இந்தியர் என்ற பெருமை பெற்றார். முன்னதாக சச்சின், விரேந்திர சேவாக், கவாஸ்கர் ஆகியோர் இம்மைல்கல்லை எட்டியுள்ளனர். மேலும் சர்வதேச கிரிக்கெட்டில் இம்மைல்கல்லை எட்டிய 21ஆவது வீரர் என்ற வரலாறு படைத்தார்.
இரண்டாவது இடம்
இந்நிலையில் இம்மைல்கல்லை அதிவேகமாக எட்டிய வீரர்கள் பட்டியலில் ரோஹித் ஷர்மா இரண்டாவது இடம் பிடித்தார். ரோஹித் ஷர்மா இம்மைல்கல்லை தனது 219ஆவது இன்னிங்சில் எட்டியுள்ளார். இப்பட்டியலில் ஜாம்பவான் சச்சின் (214 இன்னிங்ஸ்) முதலிடத்தில் உள்ளார். கிஹாம் கூச் (228), கவாஸ்கர் (233), மாத்யூ ஹேடன் (236), கிரெண்ட்ஜ் (236) அடுத்தடுத்த இடங்களில் உள்ளனர்.
சர்வதேச கிரிக்கெட்டில் அதிவேகமாக 10000 ரன்களை எட்டிய துவக்க வீரர்கள்
வீரர் இன்னிங்ஸ்
சச்சின் (இந்தியா) - 214 இன்னிங்ஸ்
ரோஹித் ஷர்மா (இந்தியா) - 219 இன்னிங்ஸ்
கிஹாம் கூச் (இங்கிலாந்து) - 228 இன்னிங்ஸ்
கவாஸ்கர் (இந்தியா) - 233 இன்னிங்ஸ்
மாத்யூ ஹேடன் (ஆஸி) - 236 இன்னிங்ஸ்
கிரெண்ட்ஜ் (வெஸ்ட் இண்டீஸ்) - 236 இன்னிங்ஸ்