SA20: ‘7 பவுண்டரி, 4 சிக்ஸர்’…91 ரன்கள்: சூப்பர் கிங்ஸ் கேப்டன் மிரட்டல் அடி: குட்டி ஜடேஜா மீண்டும் சொதப்பல்!

தென்னாப்பிரிக்க டி20 லீக் தொடரின் 27ஆவது லீக் போட்டியில் ஜோபர்க் சூப்பர் கிங்ஸ், சன் ரைசர்ஸ் ஈஸ்டர்ன் கேப் ஆகிய அணிகள் மோதன.

இப்போட்டியில் டாஸ் வென்ற ஜோபர்க் அணி முதலில் பேட்டிங்கை தேர்வு செய்தது.

ஜோபர்க் சூப்பர் கிங்ஸ் இன்னிங்ஸ்:

முதலில் களமிறங்கிய ஜோபர்க் அணியில் ஓபனர்களாக கேப்டன் டூ பிளஸி, ஹென்ட்ரிக்ஸ் ஆகியோர் களமிறங்கினர். இதில் டூ பிளஸி 61 பந்துகளில் 7 பவுண்டரி, 4 சிக்ஸர்கள் உட்பட 91 ரன்களை குவித்து அசத்தினார். மற்றொரு ஓபனர் ஹென்ட்ரிக்ஸ் 40 (36) ரன்களை சேர்த்த நிலையில், அடுது வந்தவர்கள் ஒற்றை இலக்க ரன்களை மட்டும் அடித்து ஆட்டமிழந்தனர்.

இதனால், ஜோபர்க் சூப்பர் கிங்ஸ் அணி 20 ஓவர்கள் முடிவில் 160/6ரன்களை மட்டும்தான் சேர்த்தது.

சன் ரைசர்ஸ் ஈஸ்டர்ன் கேப் இன்னிங்ஸ்:

இலக்கை துரத்திக் களமிறங்கிய சன் ரைசர்ஸ் ஈஸ்டர்ன் கேப் அணியில் ஓபனர் டெம்பா பவுமா 50 (34), கேப்டன் எய்டன் மார்க்கரம் 34 (30) ஆகியோர் மட்டும்தான் சிறப்பாக விளையாடினார்கள். இறுதிக் கட்டத்தில் மர்வே 16 (13) ஓரளவுக்கு ரன்களை சேர்த்தார். மற்றவர்கள் படுமோசமாக சொதப்பியதால், சன் ரைசர்ஸ் ஈஸ்டர்ன் கேப் அணி 20 ஓவர்களில் 136/9 ரன்களை மட்டும் சேர்த்து, 24 ரன்கள் வித்தியாசத்தில் தோற்றது.

இந்த வெற்றியின் மூலம், ஜோபர்க் சூப்பர் கிங்ஸ் அணி அரையிறுதிக்கு தகுதிபெற்றது.

குட்டி ஜடேஜா சொதப்பல்:

குட்டி ஜடேஜா என அழைக்கப்படும், ஜோபர்க் சூப்பர் கிங்ஸ் அதிரடி ஆல்-ரவுண்டர் தெவனான் பெரிரா இப்போட்டியில் 2 ஓவர்களை வீசி 18 ரன்களை விட்டுக்கொடுத்தார். மேலும், 2 பந்துகளில் 2 ரன்களை மட்டும்தான் சேர்த்தார். முதல் இரண்டு போட்டிகளில் இவர் பேட்டிங், பந்துவீச்சு, பீல்டில் என அனைத்திலும் அசத்தியதால், இவரை குட்டி ஜடேஜா என அழைத்தனர்.