இது என்னோட இரண்டாவது இன்னிங்ஸ்: சச்சின்

புதிய லிங்க்ட் இன் பக்கத்தைத் தொடங்கியுள்ள கிரிக்கெட் ஜாம்பவான் சச்சின் டெண்டுல்கர் தனது பக்கத்திற்கு இரண்டாவது இன்னிங்ஸ் என்று பெயரிட்டுள்ளார்.

கிரிக்கெட் கடவுள் என்று கிரிக்கெட் ரசிகர்களால் போற்றப்படும் இந்திய கிரிக்கெட் அணியின் முன்னாள் வீரர் சச்சின் டெண்டுல்கர் கிரிக்கெட்டிலிருந்து ஓய்வு பெற்ற பிறகு வெவ்வேறு விஷயங்களில் தன்னை ஈடுபடுத்திக்கொண்டு ஆக்டிவாக இருக்கிறார்.

இப்போது, புதிதாக லிங்கட் இன் என்ற தொழில்முறை சமூக ஊடகத்தில் இணைந்துள்ளார் சச்சின். இதுகுறித்து தனது ட்விட்டர் பக்கத்தில் குறிப்பிட்டுள்ள அவர், “லிங்க்ட்-இன்னில் இணைந்திருப்பது மகிழ்ச்சியளிக்கிறது” என்று எழுதியுள்ளார்.

சச்சின் தனது லிங்க்ட் இன் பக்கத்திற்கு ‘sமை செகண்ட் இன்னிங்ஸ்’ என்று தலைப்பிட்டுள்ளார். மேலும், தன்னைப்பற்றி வீடியோவுடன் கூடிய சுயவிபரம் ஒன்றையும் பதிவிட்டுள்ளார். அவரது அந்த பதிவை ஆயிரக்கணக்கானவர்கள் லைக் செய்துள்ளனர்.
Excited to be on @LinkedInIndia! Look forward to explore this wonderful platform now on: https://t.co/hfwcgPv9dT #SachinOnLinkedIn — sachin tendulkar (@sachin_rt) March 2, 2017