பஞ்சாப்பிலிருந்து ஹைதராபாத்திற்கு வந்தார் சேலம் வீரர் நடராஜன்

கடந்த ஆண்டு கிங்ஸ் லெவன் பஞ்சாப் அணிக்கு ஏலமெடுக்கப்பட்ட சேலத்தைச் சேர்ந்த டி நடராஜன் இம்முறை ஹைதராபாத் அணியால் ஏலமெடுக்கப்பட்டுள்ளார்.

கடந்த ஐபிஎல் ஏலத்தில் அனைவரது கவனத்தையும் ஈர்த்தவர், சேலத்தைச் சேர்ந்த வேகப்பந்து வீச்சாளர் நடராஜன். ஏழைக் குடும்பத்தைச் சேர்ந்த இவரை கிங்ஸ் லெவன் அணி சுமார் 3 கோடி ரூபாய்க்கு கடந்த முறை ஏலத்தில் எடுத்தது. இதையடுத்து, அந்த சீசனில் ஓரளவு நன்றாக பந்துவீசினார்.

இந்நிலையில் இந்த ஆண்டு ஐபிஎல் தொடருக்கான வீரர்கள் ஏலம் பெங்களூரில் இன்று தொடங்கியது. இதில் நடராஜன் ரூ.40 லட்சம் ஆரம்ப விலைக்கு ஏலம் விடப்பட்டார். அவரை எந்த அணியும் ஏலமெடுக்காததால் சன் ரைசர்ஸ் ஹைதராபாத் அணி அவரின் ஆரம்ப விலைக்கே வாங்கியது.

முன்னதாக, தமிழகத்தைச் சேர்ந்த அஷ்வின் பஞ்சாப் அணிக்கு ஏலமெடுக்கப்பட்ட நிலையில், மற்றொரு தமிழக வீரரும் வேறு அணிக்கு சென்றதால், தமிழக ரசிகர்கள் மிகவும் ஏமாற்றமடைந்தனர்.