ஆப்நகரம்

சண்டைபோட்ட சந்தீப் சர்மாவுக்கு சம்பளத்தை பிடித்த பிசிசிஐ!

குஜராத் அணிக்கு எதிரான ஐபிஎல் கிரிக்கெட் தொடரின் லீக் போட்டியில், பஞ்சாப் வீரர் சந்தீப் சர்மா அம்பயருடன் சின்னப்புள்ள மாதிரி வாக்குவாதத்தில் ஈடுபட்ட சந்தீப் சர்மாவுக்கு பிசிசிஐ அபராதம் விதித்தது.

TOI Sports 8 May 2017, 4:57 pm
மொஹாலி: குஜராத் அணிக்கு எதிரான ஐபிஎல் கிரிக்கெட் தொடரின் லீக் போட்டியில், பஞ்சாப் வீரர் சந்தீப் சர்மா அம்பயருடன் சின்னப்புள்ள மாதிரி வாக்குவாதத்தில் ஈடுபட்ட சந்தீப் சர்மாவுக்கு பிசிசிஐ அபராதம் விதித்தது.
Samayam Tamil sandeep sharma docked 50 match fee showing dissent umpires call
சண்டைபோட்ட சந்தீப் சர்மாவுக்கு சம்பளத்தை பிடித்த பிசிசிஐ!


இந்தியாவில் 10வது ஐபிஎல் கிரிக்கெட் தொடர் நடக்கிறது. இதில் பெங்களூருவில் நடக்கும் 47வது லீக் போட்டியில், குஜராத், பஞ்சாப் அணிகள் மோதுகின்றன.

இதில் ‘டாஸ்’ வென்ற அணி குஜராத் அணி கேப்டன் ரெய்னா, முதலில் பீல்டிங் தேர்வு செய்தார். இதையடுத்து களமிறங்கிய பஞ்சாப் அணி 20 ஓவரில், 3 விக்கெட்டுக்கு 189 ரன்கள் எடுத்தது. கடின இலக்கை துரத்திய குஜராத் அணிக்கு, ஸ்மித், இஷான் கிஷான் ஜோடி துவக்கம் அளித்தது.

சந்தீப் வாக்குவாதம்:
இந்நிலையில், போட்டியின் ஐந்தாவது ஓவரை வீசிய பஞ்சாப் வீரர் சந்தீப் சர்மா, அந்த ஓவரின் ஐந்தாவது பந்தை, அம்பயரிடம் தெரிவிக்காமல் அவர் போக்கில், பக்கம் மாறி வீசினார். இதை கவனித்த அம்பயர் உடனடியாக நோ-பால் என அறிவிக்க, ஷாக்கான சந்தீப் சர்மா, அம்பயருடன் வாக்கு வாதத்தில் ஈடுபட்டார்.

இதனால் சிறிது நேரம் அங்கு பரபரப்பு ஏற்பட்டது. பின் ஒருவழியாக கேப்டன் மேக்ஸ்வெல் வந்து அம்பயருடன் பேச, சர்ச்சைக்கு முற்றுப்புள்ளி வைக்கப்பட்டது. எப்போதும் பவுலர்கள் பக்கம் மாறி பந்துவீசும் போதும், பவுலர்கள் அம்பயரிடம் தெரிவிக்க வேண்டியது அவசியம். இது சந்தீப் சர்மாவுக்கு தெரிந்த போதும் அம்பயருடம் சின்னப்புள்ள கிரிக்கெட் மாதிரி சண்டை போட்டது வேடிக்கையாக இருந்தது.

இந்நிலையில் இன்று அவருக்கு போட்டி சம்பளத்தில் இருந்து 50 சதவீத தொகையை பிசிசிஐ, அபராதமாக விதித்தது.

அடுத்த செய்தி

டிரெண்டிங்