மீண்டும் அப்போட் மிரட்டல் பவுன்ஸர் - ஆஸி.இளம் வீரர் படுகாயம்

பவுண்சர் பந்து தாக்கி உயிரிழந்த பிலிப் ஹியூஸ் பற்றி அறிந்திருப்போம். அதற்கு காரணமானவர் வேகப்பந்து வீச்சாளர் சீன் அப்போட்.

ஆஸ்திரேலியாவில் 2014ல் நடந்த உள்ளூர் கிரிக்கெட் போட்டியின் போது வேகப்பந்து வீச்சாளர் சீன் அப்போட் வீசிய படுவேகமான பவுண்சர் பந்து தாக்கி பிலிப் ஹியூஸ் உயிரிழ்ந்தது கிரிக்கெட் வட்டாரத்தை சோகத்தில் ஆழ்த்தியது. அதன் பின்னர் அவரின் வேகத்தை குறைத்துக் கொண்டார்.


மீண்டும் தாக்கிய சீன் அப்போட் :
இந்நிலையில் மீண்டும் தன் பழைய வேகத்திற்கு வந்துள்ள அப்போட்டின் பந்து தாக்கி மீண்டும் அதே போன்ற சோக சம்பவம் உருவாக்கியுள்ளார்.



ஆஸ்திரேலியாவில் ’ஷெபீல்டு ஷீல்டு’கோப்பைக்கான முதல் தரப் போட்டி நடந்துவருகிறது. இதில் நியூ சவுத் வேல்ஸ் மற்றும் விக்டோரியா அணிகள் மோதின. இதில் சவுத் வேல்ஸ் பவுலர் அப்போட் பவுலிங் செய்த போது அதை எதிர்கொண்ட புகோவ்ஸ்கியின் ஹெல்மேட்டில் தாக்கியது. இதனால் சரிந்து விழுந்தார்.



இதையடுத்து உடனடியாக மற்ற வீரர்கள் மற்றும் நடுவர்கள் வந்து அவரை தூக்க முயன்றனர். பிசியோதெரபிஸ்ட் வரவழைக்கப்பட்டார். புகோவ்ஸ்கி மீண்டும் எழுந்து நிற்க சில நிமிடங்கள் ஆனது. தொடர்ந்து அவரை மருத்துவமனைக்கு அழைத்து செல்லப்பட்டுள்ளார்.