திருமண நாளில் மனைவியைக் கொஞ்சிய வீரு!

முன்னாள் இந்திய கிரிக்கெட் வீரர் விரேந்திர சேவாக் தனது திருமண நாளில் மனைவியை ட்விட்டரில் புகழ்ந்து தள்ளினார்.

முன்னாள் இந்திய கிரிக்கெட் வீரர் விரேந்திர சேவாக் – ஆர்த்தி ஆகியோருக்கு கடந்த 2004ஆம் ஆண்டு ஏப்ரல் 22ஆம் தேதி திருமணம் நடைபெற்றது. நேற்று 13 ஆண்டுகள் தங்களது திருமண வாழ்க்கை நிறைவுற்றதைக் கொண்டாட சேவாக்கின் மனைவி ஆர்த்தி ஒரு ட்வீட் போட்டார்.

கணவருடன் இணைந்து எடுத்துக்கொண்ட படங்களையும் தனது பதிவில் இணைத்திருந்தார். 13 ஆண்டுகளாக என் வாழ்க்கையை அன்பால் நிறைத்த வீருவுக்கு நன்றி என்றும் அவர் குறிப்பிட்டிருந்தார்.

இதற்கு பதில் ட்வீட் போட்ட வீரு, “திருமணநாள் ஆண்டுதோறும் கொண்டாடும் சம்பிரதாயம். ஆனால், நமது திருமணம் காலத்தைக் கடந்த கொண்டாட்டம். நீ அளித்த எல்லாவற்றிக்காகவும் என் நன்றி” என்று கூறியுள்ளார். Anniversary is a momentary celebration, but our marriage is a timeless celebration. Thank you for everything Aarti. https://t.co/gcVTNnPgWd — Virender Sehwag (@virendersehwag) April 22, 2017