Virat Kohli: இந்த கிரகத்துல இவரவிட்டா வேறு எவனும் இல்ல... : ஷேன் வார்ன் பாராட்டு!

ஆஸ்திரேலியா சென்றுள்ள இந்திய அணி 3 டி-20, 4 டெஸ்ட், 3 ஒருநாள் போட்டிகள் கொண்ட தொடரில் பங்கேற்கிறது. இதுவரை ஆஸ்திரேலிய மண்ணில் டெஸ்ட் தொடரை வெல்லாத இந்திய அணி, இம்முறை ஆஸ்திரேலிய அணியின் நட்சத்திர வீரர்களான ஸ்டீவ் ஸ்மித், டேவிட் வார்னர் இல்லாத காரணத்தால், சாதிக்கும் என எதிர்பார்க்கப்படுகிறது.

அடிலெய்டில் நடந்த முதல் டெஸ்டில், இந்திய அணி வெற்றி பெற்று 1-0 என தொடரில் முன்னிலையில் உள்ளது. இந்நிலையில், இரு அணிகள் மோதும் இரண்டாவது டெஸ்ட் போட்டி பெர்த்தில் நடக்கிறது. ஆஸ்திரேலிய அணி, முதல் இன்னிங்சில் 326 ரன்கள் எடுத்தது.
கோலி சதம்:
இரண்டாவது நாள் ஆட்டநேர முடிவில், இந்திய அணி, முதல் இன்னிங்சில் 3 விக்கெட்டுக்கு 172 ரன்கள் எடுத்திருந்தது. கோலி (82), ரகானே (51) அவுட்டாகமல் இருந்தனர். இன்றைய மூன்றாவது நாள் ஆட்டத்தில் முதல் இன்னிங்சை தொடர்ந்த இந்திய அணிக்கு, ரகானே (51) நீண்ட நேரம் தாக்குபிடிக்கவில்லை. கோலி , டெஸ்ட் அரங்கில் தனது 25வது சதத்தை பூர்த்தி செய்தார்.

பின் வரிசை வீரர்கள் வந்த வேகத்தில் பெவிலியன் திரும்ப, இந்திய அணி முதல் இன்னிங்சில் 283 ரன்களுக்கு ஆல் அவுட்டானது. இதன் மூலம் ஆஸ்திரேலிய அணி, 43 ரன்கள் முன்னிலை பெற்றது.
வார்ன் பாராட்டு:
இந்நிலையில், ஆஸ்திரேலிய மண்ணில் தனது 25வது டெஸ்ட் சதத்தை பூர்த்தி செய்த கோலிக்கு முன்னாள் ஆஸ்திரேலிய சுழல் ஜாம்பவான் ஷேன் வார்ன் பாராட்டியுள்ளார்.