அக்‌ஷர் படேலிடம் அசராமல் அடிவாங்கும் வாட்சன்!

இந்தூர்: பெங்களூரு அணியின் ஷேன் வாட்சன், பஞ்சாப் அணி பவுலர் அக்‌ஷர் படேலிடன் அசராமல் அடிவாங்கி வருகிறார்.

இந்தியாவில் நடக்கும் உள்ளூர் டி-20 கிரிக்கெட் தொடரான ஐபிஎல் தொடர், 10வது ஆண்டாக வெற்றிகரமாக துவங்கி நடந்து வருகிறது. இதில் இந்தூரில் நடக்கும் எட்டாவது லீக் போட்டியில், ராயல் சேலஞ்சர்ஸ் பெங்களூரு, கிங்ஸ் லெவன் பஞ்சாப் அணிகள் மோதுகின்றன.

இதில் ‘டாஸ்’ வென்ற பெங்களூரு அணி கேப்டன் வாட்சன், முதலில் ‘பேட்டிங்’ தேர்வு செய்தார். இதையடுத்து பெங்களூரு அணிக்கு கேப்டன் ஷேன் வாட்சன், விஷ்ணு வினோத் துவக்கம் அளித்தனர்.

இதில் கேப்டன் ஷேன் வாட்சனின் வீக்னஸை, பஞ்சாப் கேப்டன் மேக்ஸ்வெல் சரியாக பயன்படுத்தினார். வாட்சன் முதல் பந்தை எதிர் கொண்டவுடன், இவர் தடுமாறும் பவுலரான அக்‌ஷர் படேலை முதல் ஓவர் வீச செய்தார்.

மேக்ஸ்வெல் முயற்சிக்கு கைமேல் பலன் கிடைத்தது. போட்டியின் முதல் ஓவரின் கடைசி பந்தில் வாட்சன் (1) போல்டானார். இதையடுத்து அக்‌ஷர் படேலுக்கு எதிரான வீக்னஸ் தற்போதும் தொடர்ந்தது. இதற்கு முன்பாக ஷேன் வாட்சனை, அக்‌ஷர் படேல் சந்தித்த மூன்று முறையும் அவுட்டாக்கியுள்ளார். இது இன்றைய போட்டியின் போது நான்காவது முறையாக தொடர்ந்தது.

Shane Watson has been dismissed by Axar Patel in all four meetings against him