ஒருதடவை தானே... இந்த சின்ன பசங்க என்ன பண்ணுவாங்க - தவான் ஆறுதல்

ஜோகனஸ்பெர்க் : தென் ஆப்ரிக்காவுக்கு எதிரான போடியில் சஹால், குல்தீப் யாதவ் ரன்களை வாரி வழங்கியதால் தோல்வியடைந்ததாக கூறுவது ஏற்க முடியாது என தவான் இளம் வீரர்களுக்கு ஆதரவாக பேசியுள்ளார்.

தென் ஆப்ரிக்கா சுற்றுப்பயணம் மேற்கொண்டுள்ள இந்திய அணி 3 டெஸ்ட், 6 ஒருநாள், 3 டி20 போட்டிகளில் விளையாடி வருகின்றது. டெஸ்ட் தொடரை 2-1 என இழந்தாலும், ஒருநாள் போட்டியில் ஹாட்ரிக் வெற்றி பெற்று 3-0 என வென்று முன்னிலை பெற்றிருந்தது.

நேற்று நடந்த 4வது போட்டியிலும் வென்று தொடரை கைப்பற்றும் என எதிர்பார்க்கப்பட்டது. ஆனால் மழை காரணமாக போட்டியில் மாற்றம் ஏற்பட்டது. இந்த போட்டியில் சிறப்பாக விளையாடிய தென் ஆப்ரிக்கா 5 விக்கெட் வித்தியாசத்தில் வெற்றி பெற்று அசத்தியது.

ரன்களை வாரி வழங்கிய ஸ்பின்னர்ஸ் :

இந்த தொடரில் சஹால் + குல்தீப் வழங்கிய ரன்கள் :
முதல் ஒருநாள் : 20-0-79-5 (ரன் சராசரி 3.95)
2வது ஒருநாள் : 14.2-1-42-8 (2.93)
3வது ஒருநாள் : 18-1-69-8 (3.83)
4வது ஒருநாள் : 11.3-0-119-3 (10.53)

முதல் 3 போட்டிகளில் மிக குறைந்த அளவு ரன்களை விட்டுக்கொடுத்து அதிக விக்கெட்டுகளை கைப்பற்றி இருந்தனர். இந்நிலையில் 4வது ஒருநாள் போட்டியில் வெறும் 11.3 ஓவரில் 119 ரன்கள் விட்டுக் கொடுத்து 3 விக்கெட்டுகள் மட்டுமே கைப்பற்றினர்.

இவர்களின் ஓவர்களில் தென் ஆப்ரிக்க வீரர்கள் சிக்ஸர், பவுண்டரி என பறக்க விட்டதால் இந்தியாவின் வெற்றி வாய்ப்பு பறிபோனது.

தவான் ஆறுதல் :
3 போட்டிகளில் சிறப்பாக செயல்பட்ட சஹால், குல்தீப் ஒரு போட்டியில் தான் அதிக ரன்கள் விட்டுகொடுத்துள்ளனர். போட்டியில் இதெல்லாம் சகஜம். இளம் வீரர்களை ஊக்கப்படுத்துவது தான் சீனியர் வீரர்கள் மற்றும் ரசிகர்கள் கடமையாக இருக்க வேண்டும் என தெரிவித்துள்ளார்.