SL vs NZ T20: 'டிரா ஆன ஆட்டம்'...கடைசி நேரத்தில் செம்ம ட்விஸ்ட்: சூப்பர் ஓவரில் வெற்றி யாருக்கு தெரியுமா?

நியூசிலாந்து, இலங்கை இடையில் மூன்று போட்டிகள் கொண்ட டி20 தொடர் நடைபெற்று வருகிறது. இதில் முதல் போட்டி ஆக்லாந்தில் துவங்கி நடைபெற்றது.

இப்போட்டியில் டாஸ் வென்ற நியூசிலாந்து அணி முதலில் பந்துவீச்சைத் தேர்வு செய்தது.

இலங்கை இன்னிங்ஸ்:

முதலில் களமிறங்கிய இலங்கை அணியில் ஓபனர் பதும் நிஷங்கா, மில்னே பந்துவீச்சில் கோல்டன் டக் ஆனார். இதனைத் தொடர்ந்து குஷல் மெண்டிஸ் 25 (9), குஷல் பெரேரா 53 (45), அசலங்கா 67 (41), வனிந்து ஹசரங்கா 21 (11) ஆகியோர் தொடர்ந்து அதிரடியாக விளையாடியதால், இலங்கை அணி 20 ஓவர்களில் 196/5 ரன்களை குவித்து அசத்தியது.

நியூசிலாந்து இன்னிங்ஸ்:

இலக்கை துரத்திக் களமிறங்கிய நியூசிலாந்து அணியில் ஓபனர்கள் பௌஸ் 2 (3), செய்பர்ட் 0 (3) ஆகியோர் அடுத்தடுத்து ஆட்டமிழந்து சொதப்பினார்கள்.

இதனைத் தொடர்ந்து டாம் லதாம் 27 (16), டேரில் மிட்செல் 66 (44), சாப்மென் 33 (23) ஆகியோர் அதிரடியாக செயல்பட்டு அசத்தினார்கள். இறுதியில் கடைசி ஓவருக்கு 13 ரன்கள் தேவைப்பட்டது. அப்போது, கடைசி பந்தில் 7 ரன்கள் தேவைப்பட்டபோது, ஷனகா வேகம் குறைந்த பந்தை வீசிய நிலையில், இஷ் சோதி அதனை சிக்ஸருக்கு விரட்டினார்.

இறுதியில் நியூசிலாந்து அணி 20 ஓவர்கள் முடிவில் 196/8 ரன்களை சேர்த்ததால், ஆட்டம் டிரா ஆனது.

சூப்பர் ஓவர்:

இதனைத் தொடர்ந்து சூப்பர் ஓவரில் நியூசிலாந்து அணி 8/2 ரன்களை மட்டும் சேர்த்த நிலையில், இலங்கை அணி 3ஆவது பந்திலேயே 12 ரன்களை விளாசி அபார வெற்றியைப் பெற்றது.